കഷ്ടപ്പെട്ട് വേണ്ട, ഇഷ്ടപ്പെട്ട് ചെയ്യാം സുംബ ഡാൻസ്

പൊണ്ണത്തടിയും അമിത ശരീര ഭാരവും നമ്മുടെ ഫിറ്റ്നസ് സങ്കല്പങ്ങൾക്കും സൗന്ദര്യ സങ്കല്പങ്ങൾക്കും ഒക്കെ വിലങ്ങു തടിയായിക്കൊണ്ടിരിക്കുന്ന ഒരു കാലഘട്ടത്തിലാണ് നാം ജീവിക്കുന്നത്. തടി കുറയ്ക്കാൻ പട്ടിണി കിടക്കാനും ജിമ്മുകളിൽ അഭയം തേടാനും ഒക്കെ നമ്മൾ തയ്യാറാവാറുണ്ട്. ഇനി കഷ്ടപ്പെട്ട് തടി കുറയ്ക്കണ്ട, ഇഷ്ടപ്പെട്ടു ആസ്വദിച്ച് തന്നെ തടി കുറച്ചോളൂ. കാരണം സുംബ ഫിറ്റ്നസ് ഡാൻസ് കളിച്ചു തടി കുറയ്ക്കുന്ന വിദ്യയാണ്.

നൃത്തം ചെയ്ത് തടി കുറക്കുന്ന സുംബ ഇന്ന് യുവ തലമുറയ്ക്കിടയിൽ മാത്രമല്ല എല്ലാ പ്രായക്കാരുടെ ഇടയിലും പ്രചാരം നേടുകയാണ്. സുംബ ഒരു ഡാൻസ് ഫോമാണ് എന്നാണ് പലരും കരുതുന്നത് എന്നാൽ ഇത് ഒരു ഫിറ്റ്‌നസ് ഫോമാണ്. പത്തോ പന്ത്രണ്ടോ പാട്ടുകൾ 45 മിനിറ്റുമുതൽ ഒരുമണിക്കൂറുവരെ പ്ലേ ചെയ്യുന്നു. പാട്ടിനനുസരിച്ചു കൂട്ടത്തോടെ ചുവടുകൾ വയ്ക്കുന്നു. ഫിറ്റ്‌നസ് മൂവ്‌മെന്റ്‌സാണ് കൂടുതലും ഉണ്ടാവുക. ഡാൻസ് രീതിയിൽ ചെയ്യുന്നതിനാൽ പെട്ടെന്നു മടുക്കുകയും ഇല്ല.

>

ഇത് വഴി അമിത ശരീര ഭാരം കുറയുമെന്ന് മാത്രമല്ല മനസ്സിനും വളരെ ഉന്മേഷം നൽകുന്നു.

>

സുംബ ഒരു ലാറ്റിൻ നൃത്ത രൂപമാണ്. എയറോബിക് വ്യായാമത്തിൽ പെടുത്താവുന്ന സൂമ്പ നല്ലൊരു ബ്രീത്തിങ് വ്യായാമവുമാണ്.

>

സുംബ എപ്പോഴും ഗ്രൂപ്പായി ചെയ്യുന്നതാണ് ഒറ്റയ്ക്ക് ചെയ്യുന്നതിനേക്കാൾ ഫലപ്രദം. ഒരു മുക്കാൽ മണിക്കൂറെങ്കിലും സുംബ ചെയ്യേണ്ടതാണ്.

>

സമീകൃതാഹാരവും ഒപ്പം നല്ല വ്യായാമവും കൂടിയായാൽ എളുപ്പത്തിൽ തടി കുറയ്ക്കാം.

ശരീര ഭാരം കുറയ്ക്കുക എന്നത് അത്ര എളുപ്പകരമല്ല. നമ്മൾ കഴിക്കുന്നതിനേക്കാൾ കലോറി ശരീരത്തിൽ നിന്നും നീക്കേണ്ടതാണ്. സുംബ ചെയ്യുമ്പോൾ 300 മുതൽ 900 കലോറിസ് വരെ കുറയുന്നു. അതോടൊപ്പം പ്രോട്ടീൻ, പഴവർഗ്ഗങ്ങൾ, പച്ചക്കറികൾ തുടങ്ങിയവ ഭക്ഷണത്തിൽ ധാരാളം ഉൾപ്പെടുത്തുകയും ചെയ്യേണ്ടതാണ്.

പ്ലാങ്ക് എക്സർസൈസ് ചെയ്യുമ്പോൾ ഈ അബദ്ധങ്ങൾ കാണിക്കല്ലേ!

സുംബ ചെയ്‌താൽ ലഭിക്കുന്ന മറ്റ് ഗുണങ്ങൾ ഇതാ…

സ്റ്റാമിന കൂടുന്നു



സുംബ ഡാൻസ് ശരീരത്തിന്റെ എല്ലാ ഭാഗങ്ങൾക്കും ഉത്തേജനം നൽകുന്ന വ്യായാമമാണ്. 12 ആഴ്ചയോളം സുംബ ചെയ്തവരുടെ രക്ത സമ്മർദ്ദം സാധാരണ നിലയിലാകുന്നതായും അവരുടെ സ്റ്റാമിന കൂടുന്നതായും ദി ജേർണൽ ഓഫ് സ്പോർട്സ് മെഡിസിൻ ആൻഡ് ഫിസിക്കൽ ഫിറ്റ്നസ് നടത്തിയ പഠനത്തിൽ കണ്ടെത്തിയിട്ടുണ്ട്.

ഹൃദയാരോഗ്യം വർധിക്കുന്നു



എയറോബിക് കപ്പാസിറ്റി കൂട്ടാനും ഹൃദയാരോഗ്യം മെച്ചപ്പെടുത്താനും സുംബ വളരെ നല്ലതാണ്.

രക്ത സമ്മർദം കുറയ്ക്കുന്നു



സുംബ പരിശീലനത്തിനു ശേഷം അമിത ഭാരമുള്ള സ്ത്രീകളിൽ രക്തസമ്മർദം കാര്യക്ഷമമായി കുറഞ്ഞതായി ദി ജേർണൽ ഓഫ് സ്പോർട്സ് മെഡിസിൻ ആൻഡ് ഫിസിക്കൽ ഫിറ്റ്നസ് നടത്തിയ പഠനത്തിൽ പറയുന്നു.

ജീവിത നിലവാരം മെച്ചപ്പെടുത്തുന്നു



ഒന്നിച്ചു കൂട്ടമായി താളത്തിൽ നൃത്തം ചെയ്യുമ്പോൾ നാം ടെൻഷൻസ് ഒക്കെ മറക്കുകയും മനസ്സിനും ശരീരത്തിനും ഉണർവ്വ് നൽകുകയും ചെയ്യുന്നു. ഒപ്പം ജീവിത നിലവാരം മെച്ചപ്പെടുകയും ചെയ്യുന്നു.

എന്നാൽ ആരോഗ്യ പ്രശ്നങ്ങൾ ഉള്ളവർ സുംബ ചെയ്യുന്നതിന് മുൻപ് ഡോക്ടറിന്റെ സേവനം തേടുക.