കൊവിഡ് മാഹാമാരിയെ തുടര്‍ന്ന് സാമ്പത്തികമായി പ്രതിസന്ധിയിലായ സാധാരണക്കാര്‍ക്ക് ജീവിതത്തിന്റെ രണ്ടറ്റം മുട്ടിക്കാന്‍ കഴിയാത്ത സാഹചര്യമാണെന്നും അവരുടെ ദുരിതം അകറ്റാന്‍ സര്‍ക്കാര്‍ സത്വര നടപടികള്‍ സ്വീകരിക്കണമെന്നുമാണ് മുഫ്ത്തി തന്റെ ട്വിറ്റര്‍ അക്കൗണ്ടിലൂടെ ആഹ്വാനം ചെയ്തിരിക്കുന്നത്.
ഹൈലൈറ്റ്:
- അവശ്യ സാധനങ്ങളുടെ വില കുതിച്ചുയരുന്നു.
- വിലക്കയറ്റം നിയന്ത്രിക്കാന്‍ സര്‍ക്കാര്‍ ശക്തമായ നടപടികള്‍ കൈക്കൊള്ളണമെന്ന് ശെയ്ഖ് അഹ്മദ് അല്‍ ഖലീലി.
- അദ്ദേഹത്തിന്റെ ട്വിറ്റര്‍ അക്കൗണ്ടിലെ ഈ പോസ്റ്റിനെ അനുകൂലിച്ച് നിരവധി പേർ രംഗത്തെത്തി.
Also Read: സിവില്‍ സര്‍വീസാണ് ലക്ഷ്യം….കാലുകള്‍ കൊണ്ട് വീണ്ടും വിസ്മയം തീര്‍ത്ത് ദേവിക, വീഡിയോ കാണാം
കൊവിഡ് മാഹാമാരിയെ തുടര്‍ന്ന് സാമ്പത്തികമായി പ്രതിസന്ധിയിലായ സാധാരണക്കാര്‍ക്ക് ജീവിതത്തിന്റെ രണ്ടറ്റം മുട്ടിക്കാന്‍ കഴിയാത്ത സാഹചര്യമാണെന്നും അവരുടെ ദുരിതം അകറ്റാന്‍ സര്‍ക്കാര്‍ സത്വര നടപടികള്‍ സ്വീകരിക്കണമെന്നുമാണ് മുഫ്ത്തി തന്റെ ട്വിറ്റര്‍ അക്കൗണ്ടിലൂടെ ആഹ്വാനം ചെയ്തിരിക്കുന്നത്. കഴിഞ്ഞ 46 വര്‍ഷമായി ഗ്രാന്റ് മുഫ്ത്തിയായി തുടരുന്ന അദ്ദേഹം, ഒമാനിലെ ഏറ്റവും സ്വാധീനമുള്ള ഇസ്ലാമിക പണ്ഡിതരില്‍ ഒരാളാണ്.
Also Read: പ്രചോദനത്തിന്റെ പ്രതീകങ്ങളായ മിടുമിടുക്കികള്‍: ജിമിയുടേയും സുമിയുടേയും ജീവിതകഥ ഇങ്ങനെ…. വീഡിയോ
അവശ്യ സാധനങ്ങള്‍ വാങ്ങാതെ കുടുംബങ്ങള്‍ക്ക് ജീവിതം മുന്നോട്ടു കൊണ്ടുപോവാനാവില്ലെന്നും രാജ്യത്തെ വിവേകമുള്ള സര്‍ക്കാരിന്റെ അടിയന്തര ഇടപെടല്‍ ഇക്കാര്യത്തില്‍ ആവശ്യമാണെന്നുമാണ് അദ്ദേഹം ട്വിറ്ററില്‍ കുറിച്ചത്. രണ്ടര ലക്ഷത്തിലേറെ ഫോളോവേഴ്‌സുള്ള അദ്ദേഹത്തിന്റെ ട്വിറ്റര്‍ അക്കൗണ്ടിലെ ഈ പോസ്റ്റിനെ അനുകൂലിച്ച് പതിനായിരക്കണക്കിന് ആളുകളാണ് കമന്റ് ചെയ്തിരിക്കുന്നത്.
അടിയന്തര പ്രാധാന്യമുള്ള ഈ വിഷയത്തില്‍ ഞങ്ങള്‍ക്കു വേണ്ടി സംസാരിച്ച ഞങ്ങളുടെ ഹീറോയാണ് അദ്ദേഹമെന്ന് ഒമാന്‍ സിവില്‍ സര്‍വന്റായ 46കാരന്‍ മുനീര്‍ അല്‍ ഹബ്‌സി അഭിപ്രായപ്പെട്ടു. കൊവിഡ് പ്രതിസന്ധി തുടങ്ങിയത് മുതല്‍ അവശ്യ സാധനങ്ങളുടെ വില കൂടിക്കൊണ്ടിരിക്കുകയാണ്. എന്നാല്‍ ഇക്കാര്യത്തില്‍ ഒരു നടപടിയും അധികൃതരുടെ ഭാഗത്തുനിന്ന് ഉണ്ടായിട്ടില്ല. ഈ വിഷയം പൊതു ശ്രദ്ധയില്‍ കൊണ്ടുവന്ന മുഫ്ത്തിയോട് കടപ്പാടുണ്ടെന്നും അദ്ദേഹം പറഞ്ഞു.
കൊവിഡ് പ്രതിസന്ധിക്കു പുറമെ, ഏപ്രില്‍ മുതല്‍ സര്‍ക്കാര്‍ ഏര്‍പ്പെടുത്തിയ അഞ്ച് ശതമാനം മൂല്യവര്‍ധിത നികുതിയും സാധനങ്ങളുടെ വില വര്‍ധനവിന് കാരണമായതായി വിലയിരുത്തപ്പെടുന്നു. അവശ്യ സാധനങ്ങളുടെ വില വര്‍ധിപ്പിക്കരുതെന്ന് കണ്‍സ്യൂമര്‍ പ്രൊട്ടക്ഷന്‍ അതോറിറ്റിയുടെ നിര്‍ദ്ദേശമുണ്ടെങ്കിലും ഇത് ശരിയായ രീതിയില്‍ പാലിക്കപ്പെടുന്നില്ലെന്നാണ് പരാതി. 2016 മുതല്‍ ഇന്ധന സബ്‌സിഡി നിര്‍ത്തലാക്കിയ ഭരണകൂടത്തിന്റെ തീരുമാനത്തെ തുടര്‍ന്ന് പെട്രോള്‍ വില മൂന്നിലൊന്ന് കണ്ട് വര്‍ധിച്ചിരുന്നു.
സര്‍ക്കാര്‍ സബ്‌സിഡി പിന്‍വലിക്കാനുള്ള തീരുമാനം വൈദ്യുതി, വെള്ളം തുടങ്ങിയവയുടെ ബില്ല് 20 ശതമാനത്തോളം ഉയരാന്‍ കാരണമായിരുന്നു. സ്വന്തം വീടുകളില്‍ കഴിയുന്ന ഒമാനികള്‍ക്ക് ഇത് ബാധകമല്ലാതിരുന്നതിനാല്‍ പ്രവാസികളെയാണ് ഈ തീരുമാനം ഏറ്റവും പ്രതികൂലമായി ബാധിച്ചത്.
അതേസമയം, ഗ്രാന്റ് മുഫ്ത്തിയുടെ ആഹ്വാനത്തോട് ഇതുവരെ ഒമാന്‍ ഭരണകൂടം പ്രതികരിച്ചിട്ടില്ല. ഇക്കാര്യത്തില്‍ എന്തെങ്കിലും അനുകൂല തീരുമാനം ഉണ്ടാവാതിരിക്കില്ല എന്ന പ്രതീക്ഷയിലാണ് ഒമാനിലെ സ്വദേശികളും പ്രവാസികളും.
ഇന്നല്ലെങ്കില്‍ നാളെ മന്ത്രി ശിവന്‍കുട്ടി ജയിലിലേക്ക്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : the grand mufti has requested the government to address the high prices affecting residents of oman
Malayalam News from malayalam.samayam.com, TIL Network
