വാക്സിൻ സ്വീകർച്ചതായി തവക്കല്‍നാ ആപ്പില്‍ അപ്ഡേറ്റ് ചെയ്തവർക്കാണ് നാളെ മുതൽ പൊതു സ്ഥലങ്ങളിൽ പ്രവേശനം നൽകുക. വാണിജ്യ കേന്ദ്രങ്ങള്‍, ഷോപ്പിംഗ് മാളുകള്‍, മൊത്തവ്യാപാര കേന്ദ്രങ്ങൾ, മാളുകൾ എന്നിവിടങ്ങളിൽ വാക്സിനെടുത്തവർക്ക് മാത്രം പ്രവേശനം നൽകും
സൗദിയിൽ വാക്സിൻ നിർബന്ധം
ഹൈലൈറ്റ്:
- സന്ദർശക വിസയിലുള്ളവരും വിവരം നൽകണം
- തവക്കല്‍നാ ആപ്പ് നവീകരിച്ചു
- പൂർണമായും വാക്സിന് ലഭിച്ചിരിക്കണം
“ബിന്‍ ലാദിനെ സൗദിക്ക് വിട്ടുനല്‍കിയിരുന്നുവെങ്കില്‍ ട്രേഡ് സെന്റര്‍ ആക്രമണം ഉണ്ടാകുമായിരുന്നില്ല”
അതേസമയം, പ്രായം, ആരോഗ്യ സ്ഥിതി എന്നിവയുടെ അടിസ്ഥാനത്തില്‍ വാക്സിന് എടുക്കാന്‍ യോഗ്യതയില്ലാത്ത വിഭാഗങ്ങളെ നിയന്ത്രണങ്ങളില്‍ നിന്ന് ഒഴിവാക്കുമെന്നും മന്ത്രാലയം അറിയിച്ചു. രാജ്യത്തെ പൊതു- സ്വകാര്യ സ്ഥാപനങ്ങളില്‍ വാക്സിനെടുക്കാത്തവര്ക്ക് പ്രവേശനമില്ലെന്ന് കഴിഞ്ഞ ദിവസം മുനിസിപ്പല്‍, ഗ്രാമകാര്യ മന്ത്രാലയവും അറിയിച്ചിരുന്നു. ഇതുപ്രകാരം വാണിജ്യ കേന്ദ്രങ്ങള്‍, ഷോപ്പിംഗ് മാളുകള്‍, മൊത്തവ്യാപാര കേന്ദ്രങ്ങള്‍, ചില്ലറ വില്‍പ്പന ശാലകള്‍, പൊതു മാര്‍ക്കറ്റുകള്‍, റസ്റ്റോറന്റുകള്‍, കഫേകള്‍, പുരുഷന്മാരുടെ ബാര്‍ബര്‍ ഷോപ്പുകള്‍, വനിതാ ബ്യൂട്ടി പാര്‍ലറുകള്‍ തുടങ്ങിയ സ്ഥാപനങ്ങളില്‍ ഓഗസ്റ്റ് ഒന്ന് മുതല്‍ വാക്സിനെടുക്കാത്തവര്ക്ക് പ്രവേശിക്കാനാവില്ല. അതേ പോലെ എല്ലാ സാംസ്‌ക്കാരിക, വിനോദ, കായിക പരിപാടികളിലെ പ്രവേശനത്തിനും വാക്‌സിനേഷന്‍ നിര്‍ബന്ധമാക്കി ആഭ്യന്തര മന്ത്രാലയവും ഉത്തരവിട്ടിട്ടുണ്ട്. സര്‍ക്കാര്‍- സ്വകാര്യ ഓഫീസുകള്‍, വിദ്യാഭ്യാസ സ്ഥാപനങ്ങള്‍, പൊതുഗതാഗത സംവിധാനങ്ങള്‍ എന്നിവിടങ്ങളിലും തവക്കല്‍നാ ആപ്പിലെ ഇമ്മ്യൂണ്‍ സ്റ്റാറ്റസ് പരിശോധിച്ച് മാത്രമേ പ്രവേശനം അനുവദിക്കുകയുള്ളൂ.
വാക്‌സിനെടുത്ത ടൂറിസ്റ്റുകള്‍ക്കായി വാതില്‍ തുറന്ന് സൗദി; അംഗീകാരമുള്ള വാക്‌സിനുകള്‍ ഏതൊക്കെ?
അതേസമയം, വിദേശ രാജ്യങ്ങളില്‍ നിന്ന് വാക്സിന് സ്വീകരിച്ച് സൗദിയിലെത്തിയവര്‍ അവരുടെ തവക്കല്‍നാ ആപ്പില്‍ ഇക്കാര്യം അപ്ഡേറ്റ് ആയിട്ടില്ലെങ്കില്‍ ആരോഗ്യ മന്ത്രാലയം നിര്‍ദേശിക്കുന്ന രേഖകള്‍ സമര്‍പ്പിച്ച് ഇമ്മ്യൂണ്‍ സ്റ്റാറ്റസിലേക്ക് മാറ്റേണ്ടതാണെന്നും അധികൃതര്‍ അറിയിച്ചു. അല്ലാത്ത പക്ഷം ഇവര്‍ക്ക് ജോലി ചെയ്യുന്ന സ്ഥാപനത്തില്‍ ഉള്‍പ്പെടെ പൊതുസ്ഥലങ്ങളില്‍ പ്രവേശിക്കുന്നിന് അനുവാദം ഉണ്ടാകില്ല. ടൂറിസ്റ്റ് വിസയില്‍ രാജ്യത്തെത്തുന്നവര്‍ക്ക് ഉള്‍പ്പെടെ ഈ നിയമം ബാധകമാണ്. അവര്‍ക്കു കൂടി രജിസ്‌ട്രേഷന്‍ സാധ്യമാവുന്ന വിധത്തില്‍ കഴിഞ്ഞ ദിവസം ആപ്പ് നവീകരിച്ചിരുന്നു.
സിവില്‍ സര്‍വീസാണ് ലക്ഷ്യം….കാലുകള്‍ കൊണ്ട് വീണ്ടും വിസ്മയം തീര്‍ത്ത് ദേവിക
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : report on saudi arabia to open public spaces only for vaccined people from tomorrow
Malayalam News from malayalam.samayam.com, TIL Network
