ആവശ്യം നിരസിച്ചത് മുല്ലാ ഉമര്‍
അക്കാലത്ത് അഫ്ഗാനില്‍ താവളമടിച്ച ബിന്‍ലാദിന്‍ സൗദി സര്‍ക്കാരിനെതിരേ നടത്തിയ പ്രവര്‍ത്തനങ്ങളുടെ പേരില്‍ അദ്ദേഹത്തെ തങ്ങള്‍ക്കു വിട്ടുനല്‍കണമെന്ന് താന്‍ ആവശ്യപ്പെട്ടിരുന്നുവെങ്കിലും താലിബാന്‍ നേതാവ് മുല്ലാ ഉമര്‍ ആ ആവശ്യം നിരസിക്കുകയായിരുന്നുവെന്നും അദ്ദേഹം പറഞ്ഞു. ഇതേത്തുടര്‍ന്നാണ് 2001 സപ്തംബര്‍ 11ന് അമേരിക്കയിലെ വേള്‍ഡ് ട്രേഡ് സെന്ററും പെന്റഗണും ആക്രമിക്കപ്പെടുന്നതും തിരിച്ചടിയായി അഫ്ഗാനിസ്താനെതിരേ യുഎസ് ആക്രമണം ഉണ്ടാവുന്നതും.
സൗദിയുടെ മധ്യസ്ഥ ശ്രമവും വിജയിച്ചില്ല
ഹാമിദ് കര്‍സായ് അഫ്ഗാന്‍ പ്രസിഡന്റായിരുന്ന സമയത്ത് അഫ്ഗാനും സര്‍ക്കാരിനും താലിബാനുമിടയില്‍ മധ്യസ്ഥത വഹിക്കാന്‍ സൗദി അറേബ്യന്‍ ഭരണകൂടം തയ്യാറായിരുന്നു. ഇതിന്റെ ഭാഗമായി താലിബാന്റെ ഒരു പ്രതിനിധി സംഘം സൗദിയില്‍ എത്തുകയും ചെയ്തിരുന്നു. എന്നാല്‍ ഇരു വിഭാഗങ്ങള്‍ക്കും ഇടയില്‍ മധ്യസ്ഥത വഹിക്കണമെങ്കില്‍ അല്‍ ഖാഇദയുമായുള്ള ബന്ധം താലിബാന്‍ ഒഴിവാക്കണമെന്ന നിബന്ധന സൗദി മുന്നോട്ടുവച്ചു. അത് സ്വീകരിക്കാന്‍ താലിബാന്‍ തയ്യാറായില്ലെന്നും പ്രിന്‍സ് തുര്‍ക്കി അല്‍ ഫൈസല്‍ പറഞ്ഞു. അല്‍ ഖാഇദയുമായുള്ള ബന്ധം താലിബാന്‍ ഇപ്പോഴും തുടരുന്നുണ്ടെന്നും അദ്ദേഹം അറിയിച്ചു.
അഫ്ഗാനില്‍ കണ്ണുവച്ച് ഇറാന്‍
20 വര്‍ഷത്തിനു ശേഷം അഫ്ഗാനിസ്താനില്‍ നിന്ന് യുഎസ് സൈന്യം പിന്‍വാങ്ങിയ സാഹചര്യത്തില്‍ അവിടെ ചുവടുറപ്പിക്കാന്‍ ഇറാന്‍ ശ്രമം തുടങ്ങിയതായും അദ്ദേഹം പറഞ്ഞു. ഇത് ഗുരുതരമായ പ്രശ്‌നങ്ങള്‍ക്ക് കാരണമാവും. അഫ്ഗാനിസ്താനില്‍ സമാധാനവും സ്ഥിരതയും പുലര്‍ന്നു കാണണമെന്ന് ഏറ്റവും കൂടുതല്‍ ആഗ്രഹിക്കുന്ന രാജ്യം പാകിസ്താനായിരിക്കുമെന്നും അദ്ദേഹം അറിയിച്ചു. സോവിയറ്റ് അധിനിവേശത്തിനു ശേഷം അഫ്ഗാനിസ്താനും സൗദിയും തമ്മിലുള്ള ബന്ധത്തെ കുറിച്ച് പറയുന്ന പ്രിന്‍സ് തുര്‍ക്കി അല്‍ ഫൈസലിന്റെ ‘ദി ഫയല്‍ ഓഫ് അഫ്ഗാനിസ്താന്‍’ എന്ന പുസ്തകം ഉടനെ പുറത്തിറങ്ങും.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : report on afghan’s refusal to extradite osama resulted in sept. 11 terror attacks
Malayalam News from malayalam.samayam.com, TIL Network
