വ്യാപാര സ്ഥാപനങ്ങള്‍ക്കുള്ള വിലക്ക് നീക്കി
അതിനിടെ, കൊവിഡ് നിയന്ത്രണങ്ങളില്‍ ഇളവ് നല്‍കുന്നതിന്റെ ഭാഗമായി രാത്രിയിലെ വ്യാപാര വിലക്ക് നീക്കാനും ഒമാന്‍ സുപ്രീംകമ്മിറ്റി തീരുമാനിച്ചു. എല്ലാ ഗവര്‍ണറേറ്റുകളിലും രാത്രി എട്ട് മുതല്‍ പുലര്‍ച്ചെ നാല് വരെ വ്യാപാര സ്ഥാപനങ്ങള്‍ തുറന്നു പ്രവര്‍ത്തിക്കുന്നതിന് നിലവിലുള്ള വിലക്കാണ് പിന്‍വലിച്ചത്. 12 വയസില്‍ താഴെയുള്ള കുട്ടികള്‍ക്കും ഷോപ്പിങ് മാളുകളില്‍ പ്രവേശനത്തിന് അനുമതി നല്‍കി. തുറന്ന സ്ഥലങ്ങളില്‍ നടക്കുന്ന കായിക പ്രവര്‍ത്തനങ്ങള്‍ക്കും മത്സരങ്ങള്‍ക്കും അനുമതിയുണ്ട്. പ്രദര്‍ശന കേന്ദ്രങ്ങള്‍, വിവാഹ ഹാളുകള്‍ എന്നിവ തുറക്കാം. എന്നാല്‍ 30 ശതമാനം ആളുകളെ മാത്രം പ്രവേശിപ്പിക്കാനാണ് അനുമതി. പൊതു പാര്‍ക്കുകളും ബീച്ചുകളും തുറക്കാനും സുപ്രിം കമ്മിറ്റി യോഗം അനുമതി നല്‍കി. ജോലി സംബന്ധമായ ആവശ്യങ്ങള്‍ക്ക് സ്വദേശികള്‍ക്കും റെസിഡന്‍സ് വിസയുള്ള വിദേശികള്‍ക്കും കര അതിര്‍ത്തി വഴി ഒമാനിനു പുറത്തേക്ക് യാത്ര ചെയ്യാനും അനുമതി നല്‍കിയിട്ടുണ്ട്.
പള്ളികളില്‍ സമൂഹ പ്രാര്‍ഥനയ്ക്ക് അനുമതി
അതേസമയം, പള്ളികളില്‍ നിബന്ധനകള്‍ക്കു വിധേയമായി സമൂഹ പ്രാര്‍ഥന നടത്താന്‍ സുപ്രിം കമ്മിറ്റി അനുമതി നല്‍കി. 100 പേരെ മാത്രം പങ്കെടുപ്പിച്ച് അഞ്ച് നേരത്തെ നമസ്‌കാരങ്ങള്‍ക്ക് പള്ളി തുറക്കാനാണ് അനുമതി. എന്നാല്‍ വെള്ളിയാഴ്ച ജുമുഅ നമസ്‌കാരത്തിന് അനുമതി നല്‍കിയില്ല. വഖഫ്-മതകാര്യ മന്ത്രാലയവും ആരോഗ്യ മന്ത്രാലയവും പുറപ്പെടുവിച്ച നിയന്ത്രണങ്ങള്‍ പാലിച്ചു മാത്രമേ പള്ളികള്‍ തുറക്കാവൂ. പ്രാര്‍ഥന കഴിഞ്ഞാലുടന്‍ പള്ളികള്‍ അടയ്ക്കണമെന്നും വ്യവസ്ഥയുണ്ട്. അതേസമയം, പ്രാര്‍ഥനകള്‍ക്കായി തുറന്നു പ്രവര്‍ത്തിക്കാന്‍ ആഗ്രഹിക്കുന്ന പള്ളികള്‍ മന്ത്രാലയത്തിന്റെ വെബ്‌സൈറ്റിലെ ലിങ്ക് വഴി അനുമതിക്കായി അപേക്ഷ നല്‍കണമെന്നും ബന്ധപ്പെട്ടവര്‍ അറിയിച്ചു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : oman extends entry ban on travellers from india
Malayalam News from malayalam.samayam.com, TIL Network
