Gokul Murali | Samayam Malayalam | Updated: 31 Jul 2021, 02:37:00 PM
2017 മുതൽ താഴ്‌വരയിൽ പ്രവർത്തിച്ചുകൊണ്ടിരുന്ന അദ്‌നാൻ, ഇസ്മായിൽ, ലാംബൂ എന്നീ പേരുകളിലും അറിയപ്പെട്ടിരുന്ന അബു സൈഫുള്ളയും മറ്റൊരു ഭീകരനുമാണ് ഏറ്റുമുട്ടലിൽ കൊല്ലപ്പെട്ടത് എന്ന് ഉദ്യോഗസ്ഥര്‍ അറിയിച്ചു.
കൊല്ലപ്പെട്ട ഭീകരൻ
2017 മുതൽ താഴ്‌വരയിൽ പ്രവർത്തിച്ചുകൊണ്ടിരുന്ന അദ്‌നാൻ, ഇസ്മായിൽ, ലാംബൂ എന്നീ പേരുകളിലും അറിയപ്പെട്ടിരുന്ന അബു സൈഫുള്ളയും മറ്റൊരു ഭീകരനുമാണ് ഏറ്റുമുട്ടലിൽ കൊല്ലപ്പെട്ടത് എന്ന് ഉദ്യോഗസ്ഥര്‍ അറിയിച്ചു.
തെരച്ചിൽ നടത്തുകയായിരുന്ന സൈന്യത്തിന് നേരെ ഭീകരര്‍ വെടിയുതിര്‍ക്കുകയായിരുന്നു. സൈന്യത്തിന്റെ തിരിച്ചടിയിലാണ് രണ്ട് ഭീകരര്‍ കൊല്ലപ്പെട്ടത്.
2019 ഫെബ്രുവരി 14 ലെ പുൽവാമ ആക്രമണം ഉൾപ്പെടെയുള്ള നിരവധി ഭീകരാക്രമണങ്ങളുടെ അടക്കം ആസൂത്രകനായിരുന്നു കൊല്ലപ്പെട്ട അബു സൈഫുള്ള. അദ്‌നാൻ പാക്കിസ്ഥാൻ ആസ്ഥാനമായി പ്രവർത്തിക്കുന്ന റൗഫ് അസ്ഹർ, മൗലാനാ മസൂദ് അസ്ഹർ, അമ്മാർ എന്നിവരുടെ ശക്തമായ അനുയായിയായിരുന്നുവെന്നും മുതിര്‍ന്ന പോലീസ് ഉദ്യോഗസ്ഥര്‍ പറഞ്ഞു.
പുൽവാമ ആക്രമണത്തിന് ഉപയോഗിച്ച വാഹനത്തിലടക്കം പതിവായി വാഹനങ്ങളില്‍ ഐഇഡി ഉപയോഗിക്കുന്നതിൽ വിദഗ്ദ്ധനായിരുന്നു ഇയാൾ. താലിബാനുമായി ബന്ധമുണ്ടെന്ന് ഉദ്യോഗസ്ഥർ പറഞ്ഞു.കൊല്ലപ്പെട്ട തൽഹ സെയ്ഫ്, ഉമർ എന്നിവരുമായി അദ്ദേഹം അടുത്ത ബന്ധം പുലർത്തിയിരുന്നുവെന്നാണ് പോലീസ് അറിയിക്കുന്നത്.
കൊല്ലപ്പെട്ട മറ്റ് ഭീകരനെക്കുറിച്ചുള്ള തെരച്ചിൽ പോലീസ് തുടങ്ങിക്കഴിഞ്ഞു. ഇവരുടെ പക്കൽ നിന്നും എം 4 റൈഫിളുകളും എകെ 47 റൈഫിളുകളും അടക്കം കണ്ടെത്തിയിട്ടുണ്ട്.
രജൗരി ഹൈവേയില്‍ കണ്ടെത്തിയ ഐഇഡി ബോംബുകള്‍ സുരക്ഷാസേന നിര്‍വീര്യമാക്കി. അതേസമയം ലഷ്കര്‍ കമാണ്ടര്‍ ഹിദായത്തുള്ള മാലികിനെ പിടികൂടിയ കേസുമായി ബന്ധപ്പെട്ട് 14 ഇടങ്ങളില്‍ എൻഐഎ റെയ്ഡ് നടക്കുകയാണ്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : top pakistani terrorist who involved in pulwama attack gunned down in kashmir
Malayalam News from malayalam.samayam.com, TIL Network
