ജയിൽ ഭിത്തി തകർന്നു വീണു; 22 തടവുകാർ ആശുപത്രിയിൽ, ഒരാൾക്ക് ഗുരുതര പരിക്ക്

ഭോപ്പാൽ: മധ്യപ്രദേശിൽ ജയിൽ ഭിത്തി തകർന്ന് വീണ് 22 തടവുകാർക്ക് പരിക്കേറ്റു. ഗുരുതരമായി പരിക്കേറ്റ ഒരാളെ ഗ്വാളിയാറിലെ ആശുപത്രിയിലേക്ക് മാറ്റി. ഇയാളുടെ ആരോഗ്യനില സംബന്ധിച്ച വിവരങ്ങൾ പുറത്തുവന്നിട്ടില്ല.



സംസ്ഥാന അതിർത്തി തർക്കം: അസം മുഖ്യമന്ത്രിയ്ക്കെതിരെ കൊലപാതകശ്രമത്തിന് കേസെടുത്ത് മിസോറം

മധ്യപ്രദേശിലെ ഭിൺഡ് ജില്ലാ ജയിലിൻ്റെ ആറാം നമ്പർ ബറാക്കിൻ്റെ ഭിത്തിയാണ് ഇന്ന് പുലർച്ചെ 5.15ഓടെ തകർന്ന് വീണത്. 22 പേർക്ക് പരിക്കേറ്റതായും ഒരാളുടെ ആരോഗ്യനില ഗുരുതരമാണെന്നും പോലീസ് സൂപ്രണ്ട് മനോജ് കുമാർ വാർത്താ ഏജൻസിയായ

പിടിഐയോട് പറഞ്ഞു. പരിക്കേറ്റ മറ്റ് തടവുകാരെ ജില്ലാ ആശുപത്രിയിലേക്ക് മാറ്റി.

കാലപ്പഴക്കമാണ് ഭിത്തി തകർന്ന് വീഴാൻ കാരണമായതെന്നാണ് റിപ്പോർട്ട്. ദിവസങ്ങളായി മഴ ശക്തമായതോടെയാണ് അപകടമുണ്ടായത്. അപകടം ഉണ്ടാകുമ്പോൾ ജയിലിൽ 225 തടവുകാർ ഉണ്ടായിരുന്നുവെന്ന് പോലീസിനെ ഉദ്ധരിച്ച് ദേശീയ മാധ്യമങ്ങൾ റിപ്പോട്ട് ചെയ്തു. കെട്ടിടത്തിൻ്റെ പഴക്കവും മഴയും ശക്തമായതാകാം ഭിത്തി തകർന്ന് വീഴാൻ കാരണമായതെന്ന് പോലീസ് ഉദ്യോഗസ്ഥനായ മനോജ് കുമാർ പറഞ്ഞു.

പെഗാസസ് ഫോൺ ചോര്‍ത്തൽ: ഹർജികൾ അടുത്തയാഴ്ച പരിഗണിക്കുമെന്ന് സുപ്രീം കോടതി

കെട്ടിടത്തിന് 150 വർഷത്തെ പഴക്കമുണ്ടെന്നാണ് റിപ്പോർട്ട്. അപകടം ഉണ്ടായതോടെ ആറാം നമ്പര്‍ ബറാക്ക് പൂര്‍ണമായി തകര്‍ന്നുവെന്ന് അദ്ദേഹം കൂട്ടിച്ചേർത്തു.