ഓണക്കിറ്റ് റെഡി; വാങ്ങും മുൻപ് ഇനങ്ങൾ അറിയാം, വിതരണം തിങ്കളാഴ്ച മുതൽ

തിരുവനന്തപുരം: സംസ്ഥാനത്ത് ഓണക്കിറ്റ് വിതരണം ആരംഭിച്ചു. ഇന്ന് രാവിലെ 8.30ന് ഭക്ഷ്യമന്ത്രി ജി ആർ അനിൽ കിറ്റ് വിതരണം ഔദ്യോഗികമായി ഉദ്ഘാടനം ചെയ്തു. തിങ്കളഴ്ച മുതൽ പ്രാദേശിക തലത്തിൽ വിതരണം ആരംഭിക്കും. ഓഗസ്റ്റ് മാസം 18ന് മുൻപ് കിറ്റ് പൂർണമായും വിതരണം ചെയ്യുകയാണ് സർക്കാർ ലക്ഷ്യം.



കൊട്ടിയൂർ പീഡനക്കേസ്: പ്രതി റോബിൻ വടക്കുംചേരിയെ വിവാഹം കഴിക്കാന്‍ അനുമതി തേടി പെൺകുട്ടി സുപ്രീം കോടതിയിൽ

തുണി സഞ്ചി ഉൾപ്പെടെ 16 ഇനങ്ങളാണ് ഓണക്കിറ്റിലുള്ളത്. 570 രൂപയുടെ കിറ്റാണ് കാർഡ് ഉടമയ്ക്ക് ലഭിക്കുക. ഒരു കിലോ പഞ്ചസാര, വെളിച്ചെണ്ണ അരക്കിലോ, ചെറുപയര്‍, 250 ഗ്രാം തുവര പരിപ്പ്, നൂറ് ഗ്രാം തേയില, മുളക് പൊടി, ഉപ്പ്, മഞ്ഞള്‍, ഒരു കിലോ ആട്ട, ചിപ്‌സ് – (ബിപിഎൽ കാർഡ് ഉടമകൾക്ക് മാത്രം), ശർക്കര വരട്ടി- 100 ഗ്രാം (ബിപിഎൽ കാർഡ് ഉടമകൾക്ക് മാത്രം) ബാത്ത് സോപ്പ് തുടങ്ങിയവയും പായസം തയ്യാറാക്കുന്നതിന് ആവശ്യമായ അണ്ടിപ്പരിപ്പ്, എലയ്ക്ക, സേമിയ -പാലട – ഉണക്കലരി എന്നിവയില്‍ ഒന്ന്, നെയ്യ്, ഉള്‍പ്പെടെയുള്ളവയും ഉണ്ടാകും.

86 ലക്ഷം കാർഡ് ഉടമകൾക്കാണ് കിറ്റ് ലഭ്യമാകുക. കഴിഞ്ഞ മാസങ്ങളിലേത് പോലെ എഎവൈ, മുൻ ഗണന, മുൻ ഗണനേതര നോൺ സബ്സിഡി ക്രമത്തിലാണ് കിറ്റ് വിതരണം നടക്കുക. ഗുണമേന്മ ഉറപ്പാക്കിയാണ് കിറ്റ് വിതരണമെന്നും സംസ്ഥാനത്തെ ഓണച്ചന്തകൾ ഓഗസ്റ്റ് പത്തിന് ആരംഭിക്കുമെന്നും ഭക്ഷ്യമന്ത്രി വ്യക്തമാക്കി.

ഓണക്കാലത്ത് രണ്ട് ശമ്പളമില്ല, ഓണം ബോണസും അനിശ്ചിതത്വത്തിൽ; ധനമന്ത്രി

ഓണക്കിറ്റിൽ കുട്ടികൾക്കായി ക്രീം ബിസ്കറ്റ് നൽകാൻ തീരുമാനിച്ചിരുന്നുവെങ്കിലും സാമ്പത്തിക പ്രതിസന്ധിയെ തുടർന്ന് ഇവ ഒഴിവാക്കി. തിരുവനന്തപുരം ഇടപ്പഴഞ്ഞി റേഷൻ കടയിലാണ് കിറ്റ് വിതരണം മന്ത്രി ഉദ്ഘാടനം ചെയ്തത്. ഓണം പ്രമാണിച്ച് മുൻ ഗണനക്കാർക്ക് ഒരു ലിറ്റർ മണ്ണെണ്ണ അധികമായി നൽകും. വെള്ള, നീല കാർഡ് ഉടമകൾക്ക് 10 കിലോ സ്‌പെഷ്യൽ അരി നൽകുമെന്നും അദ്ദേഹം പറഞ്ഞു.