ഹൈലൈറ്റ്:
- ഹജ്ജ്, ഉംറ സര്‍വീസ് ക്രമപ്പെടുത്തുന്നതിനുള്ള 2015ലെ മൂന്നാം നമ്പര്‍ നിയമപ്രകാരമാണ് നടപടിയെന്ന് ഔഖാഫ് മന്ത്രാലയം ട്വിറ്ററില്‍ അറിയിച്ചു.
- നിയമലംഘനം നടത്തിയ ഏജന്‍സികളെ തുടര്‍ നടപടികള്‍ക്കായി അധികൃതര്‍ക്കു കൈമാറി.
ദോഹ: ഖത്തറില്‍ നിന്ന് ഹജ്ജ്, ഉംറ തീര്‍ഥാടനങ്ങള്‍ക്കായി പോകുന്നവര്‍ക്കുള്ള സേവനങ്ങള്‍ നല്‍കുന്നതിന് രാജ്യത്തെ എട്ട് ടൂര്‍സ് ആന്റ് ട്രാവല്‍സ് ഓപറേറ്റര്‍മാര്‍ക്ക് ഖത്തര്‍ ഔഖാഫ് അനുമതി നല്‍കി. തീര്‍ഥാടനത്തിനായി പോകുന്നവര്‍ മന്ത്രാലയത്തിന്റെ അനുമതിയില്ലാത്ത സ്ഥാപനങ്ങളെ പെര്‍മിഷനും ടിക്കറ്റിനും താമസത്തിനും മറ്റുമായി സമീപിക്കരുതെന്നും മന്ത്രാലയം മുന്നറിയിപ്പ് നല്‍കി.
മന്ത്രാലയത്തിന്റെ അനുമതി ലഭിച്ച ട്രാവല്‍ ഏജന്‍സികള്‍:
– അന്‍സാര്‍ ഫോര്‍ ഹജ്ജ് ആന്റ് ഉംറ
– ബിന്‍ ദാര്‍വിഷ് ഫോര്‍ ഹജ്ജ് ആന്റ് ഉംറ
– അല്‍ ഫുര്‍ഖാന്‍ ഫോര്‍ ഹജ്ജ് ആന്റ് ഉംറ
– അല്‍ഖുദ്സ് ഫോര്‍ ഹജ്ജ്, ഉംറ ആന്റ് ടൂറിസം
– നൊസൂക്ക് ഹജ്ജ് ആന്റ് ഉംറ
– ലബ്ബൈക്ക് ഹജ്ജ് ആന്റ് ഉംറ
– ദുര്‍റത്ത് മക്ക
– ഹാതിം ഹജ്ജ് ആന്റ് ഉംറ ഓഫിസ്
ഹജ്ജ്-ഉംറ സേവനങ്ങള്‍ നല്‍കുന്ന എല്ലാ ടൂര്‍സ് ആന്റ് ട്രാവല്‍സ് ഓഫിസുകളും ഖത്തറിലെയും സൗദിയിലെയും നിയമങ്ങള്‍ പൂര്‍ണമായും പാലിക്കണമെന്ന് അധികൃതര്‍ മുന്നറിയിപ്പ് നല്‍കി. മന്ത്രാലയത്തിന്റെ അനുമതി ഇല്ലാതെ ഉംറ ട്രിപ്പ് സംഘടിപ്പിച്ചതിന് ഖത്തര്‍ ഔഖാഫ് മന്ത്രാലയം രാജ്യത്തെ അഞ്ച് ട്രാവല്‍ ഏജന്‍സികള്‍ക്കെതിരേ നടപടി സ്വീകരിച്ചു. ഹജ്ജ്, ഉംറ സര്‍വീസ് ക്രമപ്പെടുത്തുന്നതിനുള്ള 2015ലെ മൂന്നാം നമ്പര്‍ നിയമപ്രകാരമാണ് നടപടിയെന്ന് ഔഖാഫ് മന്ത്രാലയം ട്വിറ്ററില്‍ അറിയിച്ചു. നിയമലംഘനം നടത്തിയ ഏജന്‍സികളെ തുടര്‍ നടപടികള്‍ക്കായി അധികൃതര്‍ക്കു കൈമാറി.
സ്വാതന്ത്ര്യ സമരസേനാനി കെ ആര്‍ കണ്ണന് നാടിന്‍റെ അന്ത്യാഞ്ജലി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : awqaf publishes list of approved tours and travels agencies for haj and umrah
Malayalam News from malayalam.samayam.com, TIL Network
