ടൂറിസം മേഖലയുടെ പുനരുജ്ജീവനം ലക്ഷ്യം
കൊവിഡ് കാരണം പ്രതിസന്ധിയിലായ ടൂറിസം മേഖലയെ പുനരുജ്ജീവിക്കുന്നതിന്റെ ഭാഗമായാണ് നടപടി. ഇതുവഴി ലോകത്തിന്റെ വിവിധ ഭാഗങ്ങളില്‍ നിന്നുള്ള കൂടുതല്‍ യാത്രക്കാരെ ആകര്‍ഷിക്കാനാവുമെന്നാണ് പ്രതീക്ഷയെന്ന് അദ്ദേഹം പറഞ്ഞു. ടൂറിസം മേഖയക്കു പുറമെ, അബുദാബിയിലെ ഹോട്ടല്‍ വ്യവസായം, എര്‍ലൈനുകള്‍ തുടങ്ങിയവയ്ക്കും പുതിയ തീരുമാനം ഉത്തേജനമാകും.
ആര്‍ക്കും ക്വാറന്റൈന്‍ വേണ്ട
നിലവില്‍ ഗ്രീന്‍ പട്ടികയില്‍ ഉള്‍പ്പെട്ട രാജ്യങ്ങളില്‍ നിന്ന് വരുന്നവരില്‍ വാക്‌സിന്‍ എടുത്തവര്‍ക്ക് മാത്രമാണ് അബൂദാബിയില്‍ ക്വാറന്റൈന്‍ ഇളവുള്ളത്. ഇവര്‍ അബൂദാബിയില്‍ എത്തിയ ഉടനെയും ആറാം ദിവസവും കൊവിഡ് ടെസ്റ്റ് നടത്തിയാല്‍ മതിയെന്നാണ് നിലയിലെ നിയമം. അതേസമയം, ഗ്രീന്‍ പട്ടികയില്‍ പെടാത്ത രാജ്യങ്ങളില്‍ നിന്ന് വരുന്ന യാത്രക്കാര്‍ 10 ദിവസം നിര്‍ബന്ധിത ക്വാറന്റൈനില്‍ കഴിയണമെന്നാണ് നിലവിലെ വ്യവസ്ഥ. ഇവര്‍ നാലാം ദിവസവും എട്ടാം ദിവസവും പിസിആര്‍ ടെസ്റ്റ് എടുക്കുകയും വേണം. എന്നാല്‍ ജൂലൈ ഒന്നു മുതല്‍ ഇവര്‍ക്കു കൂടി ക്വാറന്റൈന്‍ ഇളവ് പ്രഖ്യാപിച്ചിരിക്കുകയാണ് അബൂദാബി അധികൃതര്‍.
പിസിആര്‍ ടെസ്റ്റുകള്‍ നടത്തണം
അതേസമയം, ഗ്രീന്‍ പട്ടികയില്‍ പെട്ട രാജ്യങ്ങളില്‍ നിന്ന് വരുന്നവര്‍ ഒരു പിസിആര്‍ ടെസ്റ്റ് നടത്തണം. അബൂദാബിയില്‍ പ്രവേശിക്കുന്നതിന് തൊട്ടു മുമ്പോ ശേഷമോ ടെസ്റ്റ് നടത്തിയാല്‍ മതി. എന്നാല്‍ കൊവിഡ് വ്യാപനം കൂടിയ രാജ്യങ്ങളില്‍ നിന്ന് വരുന്നവര്‍ വരുന്നതിനും മുമ്പും എത്തിയ ഉടനെയും ഓരോ ടെസ്റ്റുകള്‍ നടത്തേണ്ടിവരും. എന്നാല്‍ ഇന്ത്യ ഉള്‍പ്പെടെയുള്ള ഏതാനും രാജ്യങ്ങള്‍ക്ക് ജൂണ്‍ 30 വരെ യുഎഇ യാത്രാ നിരോധനം ഏര്‍പ്പെടുത്തിയിരിക്കുകയാണ്. ജൂലൈ മുതല്‍ നിരോധനം പിന്‍വലിക്കുമോ എന്ന കാര്യത്തില്‍ വ്യക്തതയില്ല.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : abu dhabi is gearing up for non-quarantine action from july 1
Malayalam News from malayalam.samayam.com, TIL Network
