മെഡിക്കൽ പിജി സർട്ടിഫിക്കറ്റ് വ്യാജം; കരുനാഗപ്പള്ളി താലൂക്ക് ആശുപത്രിയിലെ ഗൈനക്കോളജിസ്റ്റിനെ സസ്പെന്റ് ചെയ്തു

കരുനാഗപ്പള്ളി: മെഡിക്കൽ പിജി സർട്ടിഫിക്കറ്റ് വ്യാജമാണെന്ന കണ്ടെത്തലിനെത്തുടർന്ന് കരുനാഗപ്പള്ളി താലൂക്ക് ആശുപത്രിയിലെ ഗൈനക്കോളജിസ്റ്റിനെ സസ്പെന്റ് ചെയ്തു. താലൂക്ക് ആശുപത്രിയിലെ ജൂനിയർ കൺസൾട്ടന്റ് ടിഎസ് സീമയെയാണ് ആരോഗ്യ വകുപ്പ് ഡയറക്ടർ അന്വേഷണവിധേയമായി സസ്പെന്റ് ചെയ്തത്. ചേർത്തല സ്വദേശിയായ ടിഎസ് സീമ കഴിഞ്ഞ ഏഴ് വർഷമായി കരുനാഗപ്പള്ളി താലൂക്ക് ആശുപത്രിയിൽ ഗൈനക്കോളജിസ്റ്റാണ്.

ബെംഗളൂരുവിൽ ക്രൂരപീഡനം വീഡിയോയിൽ: യുവതിയെ കോഴിക്കോട് നിന്നു കണ്ടെത്തി

ആരോഗ്യ വകുപ്പിന്റെ അന്വേഷണത്തിൽ മഹാരാഷ്ട്ര യൂണിവേഴ്സിറ്റി ഓഫ് ഹെൽത്ത് സയൻസിൽ നിന്നും 2010-ൽ ടിഎസ് സീമ എന്നൊരാൾ പിജി കോഴ്സ് വിജയിച്ചിട്ടില്ലെന്ന് വ്യക്തമായി. സീമ ഹാജരാക്കിയ രജിസ്റ്റർ നമ്പറിൽ മറ്റൊരു വിദ്യാർത്ഥി വിജയിച്ചതായി യൂണിവേഴ്സിറ്റി വ്യക്തമാക്കിയിട്ടുണ്ട്. പടിഞ്ഞാറെ കല്ലട സാബു ഭവനിൽ സാബു നൽകിയ പരാതിയെത്തുടർന്നാണ് അന്വേഷണം നടത്തിയത്.

2019-ൽ സാബുവിന്റെ ഭാര്യയെ പ്രസവ സംബന്ധമായ അസുഖവുമായി ബന്ധപ്പെട്ട് കരുനാഗപ്പള്ളി താലൂക്ക് ആശുപത്രിയിൽ പ്രവേശിപ്പിച്ചിരുന്നു. നവംബർ 11 ന് പ്രസവിച്ച അന്നുതന്നെ കുട്ടി മരിച്ചു. ചികിത്സയിലെ പിഴവാണ് കുഞ്ഞ് മരിക്കാൻ ഇടയാക്കിയതെന്ന് വ്യക്തമാക്കി സാബു ആരോഗ്യ വകുപ്പിന് പരാതി നൽകി. സാബുവിന്റെ പരാതിയെത്തുടർന്ന് കുഞ്ഞിന്റെ മൃതദേഹം പുറത്തെടുത്ത് പോസ്റ്റ്മോർട്ടം നടത്തിയിരുന്നു.

55 വയസുകാരിയെ തട്ടിക്കൊണ്ടു പോയി ലക്ഷങ്ങൾ മോചനദ്രവ്യമായി ആവശ്യപ്പെട്ട സ്ത്രീകൾ പിടിയിൽ

തുടർന്ന് മഹാരാഷ്ട്രയിലെ മഹാത്മാഗാന്ധി ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ സാബു വിവരാവകാശ പ്രകാരം അപേക്ഷ സമർപ്പിച്ചു. യൂണിവേഴ്സിറ്റിയിൽ നിന്നും മറുപടി ലഭിച്ചതോടയാണ് ഡോക്ടർക്ക് മതിയായ യോഗ്യതയില്ലെന്ന് വ്യക്തമായത്. തുടർന്ന് സാബു മുഖ്യമന്ത്രിക്കും ആരോഗ്യ വകുപ്പ് മന്ത്രിക്കും പരാതി നൽകിയിരുന്നു.