ലഹരിമരുന്ന് ഉപയോഗിച്ച് ദേശീയപാതയിൽ നൃത്തം; സംവിധായകൻ അറസ്റ്റിൽ

കൊരട്ടി: ദേശീയപാതയിൽ നൃത്തം ചെയ്യുകയായിരുന്നു ടെലിഫിലിം സംവിധായകൻ അറസ്റ്റിൽ. എറണാകുളം പള്ളിമുക്ക് സ്വദേശി വിഷ്ണുരാജ് (34) ആണ് ലഹരിമരുന്ന് ഉപയോഗത്തിന് ശേഷം ട്രാഫിക് സിഗ്നലിൻ്റെ തൂണിൽ പിടിച്ച് നൃത്തം ചെയ്തത്. ഇയാളുടെ പക്കൽ നിന്നും രണ്ടു ഗ്രാം മെത്തലിൻ ഡയോക്സി ആഫിറ്റാമിൻ (എംഡിഎംഎ) എന്ന ലഹരിമരുന്ന് കണ്ടെത്തിയെന്ന് മനോരമ ഓൺലൈൻ റിപ്പോർട്ട് ചെയ്തു.



വിസ്മയ കേസ്; സ്പെഷ്യൽ പ്രോസിക്യൂട്ടറെ നിയമിച്ച് സർക്കാർ

കഴിഞ്ഞ ദിവസം പുലർച്ചെ മൂന്ന് മണിയോടെ ചിറങ്ങര ദേശീയപാത ജങ്ഷനിലായിരുന്നു സംഭവം. സർവീസ് റോഡിൽ കാർ നിർത്തിയിട്ടിരിക്കുന്നത് ശ്രദ്ധയിൽപ്പെട്ടതോടെ പോലീസ് സ്ഥലത്ത് എത്തുമ്പോൾ കാറിൻ്റെ മുന്നിലായുള്ള ട്രാഫിക് സിഗ്നലിൻ്റെ തൂണിൽ പിടിച്ച് വിഷ്ണുരാജ് നൃത്തം ചെയ്യുകയായിരുന്നു.

മഹാരാഷ്ട്ര റജിസ്ട്രേഷനുള്ള കാറിന് സമീപത്തെത്തിയ പോലീസ് വിവരങ്ങൾ ചോദിച്ചറിഞ്ഞതോടെയാണ് ഇയാൾ ലഹരി ഉപയോഗിച്ചിരിക്കുന്നതായി വ്യക്തമായത്. കാറിൽ മോഡലിംഗ് മേഖലയിൽ പ്രവർത്തിക്കുന്ന യുവതിയും ഭർത്താവും ഉണ്ടായിരുന്നു.

പുതിയ ഹൃസ്വചിത്ര നിർമ്മാണവുമായി ബന്ധപ്പെട്ട് എറണാകുളത്ത് നിന്നും ഇരിങ്ങാലക്കുടയിലെ കഥാകൃത്തിന്‍റെ വീട്ടിലേക്ക് പോകുകയാണെന്ന് ഇവർ വ്യക്തമാക്കുകയും ചെയ്തു.

‘മാനസയുടെ മരണം വേദനിപ്പിച്ചു’; യുവാവ് ജീവനൊടുക്കി

വിഷ്ണുരാജും സംഘവും യാത്ര ചെയ്തിരുന്ന കാർ പോലീസ് പിടിച്ചെടുത്തു. ലഹരിമരുന്ന് ഉപയോഗവുമായി ബന്ധമില്ലാത്തതിനാൽ ദമ്പതികളെ വിട്ടയച്ചു. ലഹരിമരുന്നിൻ്റെ ഉറവിടം കണ്ടെത്താൻ അന്വേഷണം തുടരുകയാണ്. ലഹരിമരുന്ന് ഉപയോഗത്തിൽ നിന്ന് യുവാക്കളെ പിന്തിരിപ്പിക്കുകയെന്ന ലക്ഷ്യത്തോടെ ഹ്രസ്വചിത്രമെടുത്ത സംവിധായകൻ കൂടിയാണ് വിഷ്ണുരാജ്. ക്യാമറാമാനായും പ്രവർത്തിച്ചിട്ടുണ്ട്.