മാസ്കും സാമൂഹ്യ അകലവുമില്ലാതെ ആളുകൾ; വീണ്ടും ലോക്ക്ഡൗൺ പ്രഖ്യാപിക്കുമെന്ന മുന്നറിയിപ്പുമായി സ്റ്റാലിൻ

ചെന്നൈ: നിയന്ത്രണങ്ങളിൽ അയവ് വരുത്തിയതിന് പിന്നാലെ കൊവിഡ്-19 കേസുകൾ വർധിച്ച പശ്ചാത്തലത്തിൽ മുന്നറിയിപ്പുമായി തമിഴ്നാട് മുഖ്യമന്ത്രി എം കെ സ്റ്റാലിൻ. കരുതൽ കൂടുതൽ ആവശ്യമുള്ള സമയമാണിത്. ജനങ്ങളുടെ ഭാഗത്ത് നിന്നും മികച്ച സഹകരണം ആവശ്യമാണ്. നിർദേശം അവഗണിച്ചാൽ വീണ്ടും സമ്പൂർണ ലോക്ക്ഡൗണിലേക്ക് പോകേണ്ടിവരുമെന്നും അദ്ദേഹം പറഞ്ഞു.



കേരളത്തിൽ നിന്നുള്ളവർക്ക് നിയന്ത്രണങ്ങൾ പ്രഖ്യാപിച്ച് തമിഴ്നാട്; ആർടിപിസിആർ നെഗറ്റീവ് സർട്ടിഫിക്കറ്റ് നിർബന്ധം

കൊവിഡ് പ്രതിരോധ പ്രവർത്തനങ്ങളുടെ ഭാഗമായുള്ള മാസ്ക് ധരിക്കാതെ ആളുകൾ പുറത്തിറങ്ങരുത്. മാസ്ക് ധരിക്കതെ പുറത്തിറങ്ങുന്നത് കാണുമ്പോൾ ദുഃഖം തോന്നുന്നുണ്ട്. അത്യാവശ്യ കാര്യങ്ങൾക്ക് മാത്രമാണ് പുറത്തിറങ്ങേണ്ടത്. അത്തരം ഘട്ടങ്ങളിൽ രണ്ട് മാസ്ക്കുകൾ ധരിക്കാൻ ശ്രദ്ധിക്കണം. അനാവശ്യമായി പുറത്തിറങ്ങുകയും കൂട്ടം കൂടുകയും ചെയ്യുന്ന അവസ്ഥയുണ്ടായാൽ വീണ്ടും ലോക്ക്ഡൗൺ പ്രഖ്യാപിക്കേണ്ടിവരുമെന്നും മുഖ്യമന്ത്രി വ്യക്തമാക്കി.

കേരളം, മഹാരാഷ്ട്ര, തമിഴ്നാട് സംസ്ഥാനങ്ങളിൽ പ്രതിദിന കൊവിഡ് കേസുകൾ ഉയരുന്ന സാഹചര്യം ചൂണ്ടിക്കാട്ടാണ് സ്റ്റാലിൻ്റെ പ്രതികരണം ഉണ്ടായത്. നിയന്ത്രണങ്ങളിൽ അയവ് വരുത്തിയതോടെ സംസ്ഥാനത്ത് കൊവിഡ് നിയന്ത്രണങ്ങൾ പാലിക്കുന്നവരുടെ എണ്ണം വർധിക്കുകയാണ്. പൊതുസ്ഥലങ്ങളിലടക്കം മാസ്ക് ധരിക്കുന്നതിൽ ആളുകൾ മടി കാണിക്കുന്നുണ്ട്. സാമൂഹ്യ അകലം പാലിക്കപ്പെടുന്നതിലും വീഴ്ച സംഭവിച്ചു. ഇതോടെയാണ് മുന്നറിയിപ്പുമായി സർക്കാർ രംഗത്തുവന്നത്.

കൊവിഡ് കേസുകൾ ഉയർന്ന തോതിലുള്ള കേരളത്തിൽ നിന്നുള്ള യാത്രക്കാർക്ക് തമിഴ്നാട് നിയന്ത്രണം ഏർപ്പെടുത്തിയിരുന്നു. കേരളത്തിൽ നിന്നുള്ളവർക്ക് ആർടിപിസിആർ നെഗറ്റീവ് സർട്ടിഫിക്കറ്റ് നിർബന്ധമാക്കുമെന്ന് തമിഴ്നാട് ആരോഗ്യ മന്ത്രി മാ. സുബ്രഹ്‌മണ്യം കഴിഞ്ഞ ദിവസം അറിയിച്ചു.

കല്ലെറിയുന്നവർക്ക് ഇനി പാസ്പോർട്ടിനും സർക്കാർ ജോലിക്കും ക്ലിയറൻസ് നൽകില്ലെന്ന് ജമ്മു കാശ്മീർ ഭരണകൂടം

ഓഗസ്റ്റ് അഞ്ച് മുതൽ മുതൽ നിർദേശങ്ങൾ പ്രാബല്യത്തിൽ വരും. രണ്ട് ഡോസ് വാക്സിൻ സ്വീകരിച്ച് 14 ദിവസം പിന്നിട്ടവർക്ക് ഇളവുകളുണ്ടാകും. 72 മണിക്കൂറിനുള്ളിൽ എടുത്ത ആർടിപിസിആർ നെഗറ്റീവ് പരിശോധനാ ഫലമാണ് കൈവശം സൂക്ഷിക്കേണ്ടത്. പരിശോധനാ ഫലമോ കൊവിഡ് പ്രതിരോധ വാക്സിൻ സ്വീകരിച്ചതിൻ്റെ സർട്ടിഫിക്കറ്റോ കൈവശമില്ലാത്തവർക്ക് ചെക്ക് പോസ്റ്റുകളിൽ പരിശോധനയുണ്ടാകും. വിമാന യാത്രക്കാരെ തെർമർ സ്കാനറിലൂടെ പരിശോധിക്കും. രോഗ ലക്ഷണങ്ങൾ ഉള്ളവരെ അവിടെവച്ച് തന്നെ കൊവിഡ് പരിശോധനകൾക്ക് വിധേയമാക്കും.