‘ഞാന്‍ ഹിന്ദുവാണ്’; മതംമാറിയെന്ന് ആരോപിച്ച് ഭീഷണി; യുവാവ് നടക്കുന്നു, കോടതിയിലേക്ക്

താൻ മതപരിവർത്തനം നടത്തിയിട്ടില്ലെന്നും ഹിന്ദുമത വിശ്വാസങ്ങളോടെ ജീവിക്കുന്ന വ്യക്തിയാണെന്ന് അറിയിക്കുന്നതിനും വേണ്ടിയാണ് പ്രവീൺ കുമാർ യുപിയിൽ നിന്ന് തിരിച്ചത്. യു.പിയിലെ തീവ്രവാദ വിരുദ്ധ സ്ക്വാഡ് ചോദ്യം ചെയ്യലിനായി കൊണ്ടുപോയപ്പോൾ കുമാറിന് ക്ലീൻ ചീറ്റ് നൽകിയിരുന്നു. എന്നാൽ കുമാർ തൻ്റെ ഗ്രാമമായ ഷിത്ല ഖേധയിലെത്തിയപ്പോൾ നാട്ടുകാർ തന്നെ ഒരു തെറ്റുകാരനായാണ് കണ്ടത്.

പ്രധാനമന്ത്രി നരേന്ദ്ര മോദിയെയും യോഗി ആദിത്യനാഥിനെയും കുറിച്ച് പുസ്തകങ്ങൾ എഴുതിയിരുന്ന, അവരുടെ ആരാധകനായ താൻ വീട്ടിൽ തിരികെ എത്തിയതുമുതൽ ഊരുവിലക്കും ഭീഷണികളും നേരിടുകയാണ്. — പ്രവീൺ കുമാര്‍ ടൈംസ് ഓഫ് ഇന്ത്യയോട് പറഞ്ഞു.

“ഞാൻ എന്താണ് അനുഭവിക്കുന്നതെന്ന് രാജ്യം അറിയണം,” ബുധനാഴ്ച അദ്ദേഹം ടൈംസ് ഓഫ് ഇന്ത്യയോട് പറഞ്ഞു. ഒരു ദിവസം ഉറക്കമുണർന്ന് വാതിൽ തുറന്നപ്പോൾ അവിടെ തീവ്രവാദി എന്നെഴുതിയിരിക്കുന്നു.. ഒപ്പം പാകിസ്ഥാനിലേക്ക് പോകൂ എന്ന് മുന്നറിയിപ്പ് നൽകി.

ബുധനാഴ്ച വൈകുന്നേരത്തോടെ കുമാർ മുസഫർനഗറിലെ രോഹന ടോൾ പ്ലാസ കടന്ന് 32 കിലോമീറ്റർ നടന്നു. യാത്ര 11 ദിവസം കൊണ്ട് പൂർത്തിയാക്കാനാകുമെന്നാണ് കുമാർ പ്രതീക്ഷിക്കുന്നത്. സുപ്രീം കോടതിയിൽ എത്തി എൻ്റെ പേര് വ്യക്തമാക്കണമെന്ന് ഞാൻ ആഗ്രഹിക്കുന്നു. അതിനുശേഷം കാര്യങ്ങൾ മാറുമെന്ന് ഞാൻ പ്രതീക്ഷിക്കുന്നു,”അദ്ദേഹം പറഞ്ഞു.

ജൂൺ 23 -ന് കുമാറിനെ തേടി ഒരു കത്ത് വന്നിരുന്നു, മതം മാറിയവരുടെ പട്ടികയിൽ കുമാറിൻ്റെ ചിത്രവും വിവരങ്ങളും അടങ്ങിയ സർട്ടിഫിക്കറ്റായിരുന്നു അത്. കുമാർ ഇസ്ലാം സ്വീകരിച്ചെന്നും ഇപ്പോൾ സമദ് ആണെന്നും സർട്ടിഫിക്കറ്റിൽ പറയുന്നത്.

ഇസ്ലാമിക് ദുഅ സെന്റർ (ഐ.ഡി. സി) ചെയർപേഴ്സൺ മുഫ്തി കാസി ജഹാംഗീർ ഖാസ്മി, മുഹമ്മദ് ഉമർ ഗൗതം എന്നിവർക്കെതിരെയാണ് കേസ്. ഗാസിയാബാദിലെ ദസ്നാ ദേവി ക്ഷേത്രത്തിലെ പുരോഹിതനായ യതി നരസിംഹാനന്ദ് സരസ്വതിക്കെതിരായ “കൊലപാതക ഗൂഡാലോചന” എന്ന പേരിൽ മറ്റൊരു കേസിൽ പ്രതികളായ രണ്ട് പേരെ ചോദ്യം ചെയ്തപ്പോഴാണ് ഐ. ഡി. സി. യിലെ ചെയർപേഴ്സൻ്റെ പേരുകൾ ചര്‍ച്ചയായത്.

****