രാജ്യത്ത് ഇ-റുപ്പി സേവനത്തിന് തുടക്കംകുറിച്ച് പ്രധാനമന്ത്രി

ന്യൂഡൽഹി: കേന്ദ്രസർക്കാരിന്റെ ഡിജിറ്റൽ പേമെന്റ് സംവിധാനമായ ‘ഇ-റുപ്പി’ പുറത്തിറക്കി പ്രധാനമന്ത്രി നരേന്ദ്ര മോദി. രാജ്യത്തെ ഡിജിറ്റൽ പേമെന്റ് സംവിധാനം ഊർജ്ജസ്വലമാക്കുകയാണ് സർക്കാരിന്റെ ലക്ഷ്യം.



മകളെ തൂക്കിലേറ്റുംമുമ്പ് രക്ഷിക്കണം; ഐഎസിൽ ചേർന്ന ആയിഷയുടെ പിതാവ് സുപ്രീംകോടതിയിൽ

ക്യൂആർ കോഡ്, എസ്എംഎസ് വഴി ലഭിക്കുന്ന ഇ വൗച്ച‍ര്‍‍ അടിസ്ഥാനമാക്കി പ്രവ‍‍ര്‍ത്തിക്കുന്ന കറൻസി രഹിത, കടലാസ് രഹിത സംവിധാനമാണിത്. ഗുണഭോക്താക്കളുടെ മൊബൈലിലേക്ക് നേരിട്ടാകും വൗച്ച‍ര്‍ എത്തുക. നാഷ്ണൽ പേമെന്റ് കോ‍ര്‍പ്പറേഷൻ ഓഫ് ഇന്ത്യയാണ് ഇ-റുപ്പി വികസിപ്പിച്ചത്.

തുടക്കത്തിൽ ആരോഗ്യ സംരക്ഷണ പദ്ധതികളുടെ ഗുണഭോക്താക്കൾക്കാകും ഇ-റുപ്പിയുടെ പ്രയോജനം ലഭിക്കുക. അതായത്, സ്വകാര്യ വാക്സിനേഷൻ കേന്ദ്രങ്ങളിൽ നിന്നും നൂറു പേ‍ര്‍ക്ക് വാക്സിൻ സൗജന്യമായി ലഭ്യമാക്കാൻ ആരെങ്കിലും ആഗ്രഹിക്കുന്നെങ്കിൽ അവ‍ര്‍ക്ക് ഇ-റുപ്പി ഉപയോഗിക്കാൻ സാധിക്കും. നൂറ് പേ‍ര്‍ക്കും ഇ-വൗച്ച‍ര്‍ നൽകിയാൽ അവര്‍ക്ക് ലഭിച്ചിരിക്കുന്ന വൗച്ചര്‍ വാക്സിനേഷനുവേണ്ടി മാത്രമേ ഉപയോഗിക്കാൻ സാധിക്കൂ എന്ന് പ്രധാനമന്ത്രി പറ‍ഞ്ഞു.

പ്രധാനമന്ത്രിയുടെ ഉപദേശകൻ അമർജീത് സിൻഹ രാജിവച്ചു

ചികിത്സാ സഹായം, സൗജന്യ ഭക്ഷ്യ വിതരണം തുടങ്ങിയവയ്ക്കെല്ലാം ഭാവിയിൽ ഇ-റുപ്പി ഉപയോഗിക്കാനാകും. ഇ-റുപ്പി ഡിജിറ്റൽ ഇന്ത്യക്ക് പുതിയ മുഖം നൽകുമെന്ന് പ്രധാനമന്ത്രി നരേന്ദ്ര മോദി പറഞ്ഞു. കാ‍ര്‍ഡ്, ഇന്റ‍ര്‍‍നെറ്റ് ബാങ്കിങ്, ഡിജിറ്റൽ പേമെന്റ് ആപ്ലിക്കേഷൻ എന്നിവ കൂടാതെ വൗച്ചര്‍ റിഡീം ചെയ്യാനാകും.