നിയമസഭാ തെരഞ്ഞെടുപ്പിൽ തോറ്റത് വെറുതേയല്ല; പ്രതിപക്ഷത്തിനെതിരെ വി ശിവൻകുട്ടി

കൊച്ചി: രാജി ആവശ്യപ്പെട്ട് സമരവുമായി മുന്നോട്ടുപോകുന്ന കോൺഗ്രസിനും ബിജെപിക്കുമെതിരെ രൂക്ഷമായി പ്രതികരിച്ച് മന്ത്രി വി ശിവൻകുട്ടി. നാട്ടിൽ നടക്കുന്ന കാര്യങ്ങൾ പ്രതിപക്ഷം കാണുന്നില്ലെന്ന് അദ്ദേഹം കുറ്റപ്പെടുത്തി. പൂജപ്പുരയിൽ നടന്ന പൊതുപരിപാടിയിലാണ് മന്ത്രിയുടെ പ്രതികരണം.



ടൂറിസം മേഖലയ്ക്കായി റിവോള്‍വിംഗ് ഫണ്ട്; പലിശരഹിത, ഈട് രഹിത വായ്പ പദ്ധതിയുമായി സർക്കാർ

നാട്ടിൽ നടക്കുന്ന കാര്യങ്ങൾ കാണാത്തതിനാലാണ് കഴിഞ്ഞ നിയമസഭാ തെരഞ്ഞെടുപ്പിൽ ബിജെപിയും കോൺഗ്രസും പരാജയപ്പെട്ടത്. തകർന്നുകൊണ്ടിരിക്കുന്ന ചീട്ടുകൊട്ടാരമാണ് കോൺഗ്രസെന്ന് അദ്ദേഹം പറഞ്ഞു.

ജനങ്ങൾ തെരഞ്ഞെടുത്ത തന്നെ നിയമസഭയിൽ കാലുകുത്തിക്കില്ലെന്നു പറയുന്നത് ജനാധിപത്യ വിരുദ്ധമാണെന്നും അദ്ദേഹം വ്യക്തമാക്കി. നേമത്തു കാലുകുത്താൻ അനുവദിക്കില്ലെന്ന ബിജെപി നേതാവ് വിവി രാജേഷിന്റെ വെല്ലുവിളിക്ക് പൂജപ്പുര ജംങ്ഷനിൽ നിന്ന് ചായകുടിച്ചായിരുന്നു മന്ത്രിയുടെ പ്രതികരണം.

വാക്‌സിന്‍ പ്രതിസന്ധി സൃഷ്ടിക്കാൻ കേന്ദ്ര നീക്കം; കൊവിഡ്‌ പ്രതിരോധത്തിന് യുഡിഎഫും ബിജെപിയും തുരങ്കം വയ്‌ക്കുന്നെന്ന് വിജയരാഘവൻ

നിയമസഭാ കയ്യാങ്കളി കേസിൽ വി ശിവൻകുട്ടി ഉൾപ്പെടെയുള്ള പ്രതികൾ വിചാരണ നേരിടണമെന്നുള്ള സുപ്രീംകോടതി വിധിക്കു പിന്നാലെയാണ് മന്ത്രിയുടെ രാജി ആവശ്യപ്പെട്ട് പ്രതിപക്ഷവും ബിജെപിയും പ്രതിഷേധം ആരംഭിച്ചത്.