2020 ഫെബ്രുവരിയിലാണ് അമർജീത് സിൻഹ പ്രധാനമന്ത്രിയുടെ ഉപദേശകനായി നിയമിതനാകുന്നത്. 17 മാസക്കാലത്തെ സേവനത്തിന് ശേഷമാണ് സ്ഥാനത്ത് നിന്ന് രാജിവയ്ക്കുന്നത് .
അമർജീത് സിൻ. PHOTO: TOI
ഹൈലൈറ്റ്:
- അമർജീത് സിൻഹ രാജിവച്ചു
- രാജി പ്രധാനമന്ത്രിയുടെ ഉപദേശക സ്ഥാനത്ത് നിന്ന്
- 1983 ബാച്ച് ഐഎഎസ് ഉദ്യോഗസ്ഥൻ
2020 ഫെബ്രുവരിയിലാണ് ഇദ്ദേഹത്തെ പ്രധാനമന്ത്രിയുടെ ഉപദേശകനായി നിയമിച്ചത്. ഭാസ്കർ ഖുൽബെയ്ക്കൊപ്പമായിരുന്നു നിയമനം. 1983 ബാച്ച് ഐഎഎസ് ഉദ്യോഗസ്ഥനായ സിൻഹ ബിഹാർ കേഡറിലായിരുന്നു. ഗ്രാമീണ വികസന മന്ത്രാലയം സെക്രട്ടറിയായി വിരമിച്ചതിന് ശേഷമാണ് ഇദ്ദേഹം പ്രധാനമന്ത്രിയുടെ ഉപദേശകനായി നിയമിതനാകുന്നത്.
Also Read : ‘ഞാന്‍ ഹിന്ദുവാണ്’; മതംമാറിയെന്ന് ആരോപിച്ച് ഭീഷണി; യുവാവ് നടക്കുന്നു, കോടതിയിലേക്ക്
പ്രധാനമന്ത്രിയുടെ ഓഫീസിൽ നിന്ന് അടുത്തിടെ രാജിവയ്ക്കുന്ന രണ്ടാമത്തെ ഉയർന്ന ഉദ്യോഗസ്ഥനാണ് അമർജീത് സിൻഹയെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്തു. പ്രിൻസിപ്പൽ സെക്രട്ടറിയായിരുന്ന പികെ സിൻഹ മാർച്ചിലായിരുന്നു രാജിവെച്ചത്. വ്യക്തിപരമായ കാരണങ്ങളാലാണ് രാജിയെന്നായിരുന്നു അദ്ദേഹം പറഞ്ഞത്.
Also Read : ‘അഭിനയിച്ചു, എന്നാൽ അതൊന്നും പോൺ ആയിരുന്നില്ല’: പോലീസ് 15 ലക്ഷം രൂപ ആവശ്യപ്പെട്ടെന്ന് ഗെഹന വസിഷ്ഠ
അമർജീത് സിൻഹയുടെ രാജി സംബന്ധിച്ച് ഒദ്യോഗിക പ്രസ്താവനകളൊന്നും പുറത്ത് വന്നിട്ടില്ല. അതേസമയം പ്രധാനമന്ത്രിയുടെ ഓഫീസിൽ 17 മാസക്കാലത്തെ സേവനത്തിന് ശേഷമാണ് സിൻഹ രാജിവെക്കുന്നതെന്ന് ഇതുമായി ബന്ധപ്പെട്ട് വൃത്തങ്ങൾ സ്ഥിരീകരിച്ചതായി ഹിന്ദുസ്ഥാൻ ടൈംസും റിപ്പോർട്ട് ചെയ്തു.
എത്രനാള്‍ സഹിക്കണം…. കഷ്ടത്തിലായി അധ്യാപകരും വിദ്യാര്‍ത്ഥികളും
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : prime minister narendra modi s top adviser amarjeet sinha resigned reports
Malayalam News from malayalam.samayam.com, TIL Network
