വിദേശ നിർമ്മിത മദ്യത്തിന് വില കൂടില്ല; തീരുമാനത്തിൽ നിന്ന് പിന്മാറി ബെവ്കോ

തിരുവനന്തപുരം: സംസ്ഥാനത്ത് വിദേശ നിർമ്മിത മദ്യത്തിന്‍റെ വില കൂട്ടിയ നടപടിയിൽ നിന്ന് ബെവ്കോ പിന്മാറി. സർക്കാരിൻ്റെ കടുത്ത എതിർപ്പിനെ തുടർന്നാണ് തീരുമാനമെന്നാണ് റിപ്പോർട്ട്. ഇറക്കുമതി ചെയ്യുന്ന വിദേശ നിർമ്മിത മദ്യത്തിൻ്റെ വില വർധിക്കുമെന്ന തരത്തിലുള്ള ഉത്തരവ് തിങ്കളാഴ്ച വൈകിട്ടാണ് പുറത്തുവന്നത്.



നിയമസഭാ തെരഞ്ഞെടുപ്പിൽ തോറ്റത് വെറുതേയല്ല; പ്രതിപക്ഷത്തിനെതിരെ വി ശിവൻകുട്ടി

ഇറക്കുമതി ചെയ്ത വിദേശനിർമ്മിത മദ്യങ്ങളുടെ വിലയിൽ മാറ്റം ഉണ്ടായിട്ടില്ലെന്നും നിരക്ക് വർധിച്ചിട്ടില്ലെന്നും സി.എം.ഡി യോഗേഷ് ഗുപ്ത വ്യക്തമാക്കി. ബെവ്കോ അംഗീകരിച്ച വിലവിവരപ്പട്ടികയല്ല പുറത്തുവന്നിരിക്കുന്നത്. പല സാഹചര്യങ്ങൾക്കനുസരിച്ചുള്ള ലാഭവിഹിത വർധന ബെവ്കോയുടെ ഫിനാൻസ് വിഭാഗം കണക്ക് കൂട്ടാറുണ്ട്. അക്കൂട്ടത്തിൽ ഐ.ടി വകുപ്പിന് നൽകിയ ഒരു വർക്ക് ഷീറ്റാകും പുറത്തുവന്നതെന്നും പ്രചരിക്കുന്നതെന്നും അദ്ദേഹം വ്യക്തമാക്കി.

വിദേശ നിർമ്മിത മദ്യത്തിന്‍റെ വില കൂട്ടിയെന്ന വാർത്തകൾ പുറത്തുവന്നതിന് പിന്നാലെ സർക്കാർ ഇടപെടൽ ഉണ്ടാകുകയും ബെവ്കോ തീരുമാനം മരവിപ്പിക്കുകയുമായിരുന്നു. കൊവിഡ് കാലത്തെ സാമ്പത്തിക നഷ്ടം പരിഹരിക്കാനാണ് വിദേശ നിർമ്മിത മദ്യത്തിന്‍റെ വില കൂട്ടിയതെന്ന പ്രചാരണം ശക്തമായിരുന്നു.

വാക്‌സിന്‍ പ്രതിസന്ധി സൃഷ്ടിക്കാൻ കേന്ദ്ര നീക്കം; കൊവിഡ്‌ പ്രതിരോധത്തിന് യുഡിഎഫും ബിജെപിയും തുരങ്കം വയ്‌ക്കുന്നെന്ന് വിജയരാഘവൻ

നിരക്ക് വർധന പ്രാബല്യത്തിൽ വന്നിരുന്നുവെങ്കിൽ പ്രമുഖ ബ്രാൻഡുകൾക്ക് 1500 രൂപ മുതൽ 2000 രൂപവരെ വർധിക്കുമായിരുന്നു മുൻപ് പുറത്തുവന്ന റിപ്പോർട്ട്. വെയൻ ഹൗസ് മാർജിൻ അഞ്ച് ശതമാനത്തിൽ നിന്ന് 14 ശതമാനമായു റീട്ടെയിൽ മാർജിൻ മൂന്ന് ശതമാനത്തിൽ നിന്ന് 20 ശതമാനമായി ഉയർത്തിയതോടെയാണ് വിദേശ നിർമ്മിത മദ്യത്തിൻ്റെ വില വർധിക്കുന്ന സാഹചര്യം ഉണ്ടായത്.