താരൻ മാറാൻ കർപ്പൂര തുളസി – ലാവണ്ടർ എണ്ണ

ചില പ്രകൃതിദത്ത ചേരുവകൾ താരൻ അകറ്റാൻ സഹായിക്കുന്ന മികച്ച മാർഗ്ഗങ്ങളാണ്. മുടി വളരാനും താരനും അനുബന്ധ പ്രശ്നങ്ങളും അകറ്റാനുമെല്ലാം സഹായിക്കുന്ന പ്രകൃതിദത്ത മാർഗ്ഗങ്ങളിൽ പ്രധാനമാണ് കർപ്പൂര തുളസിയും ലാവണ്ടറും. ഈ രണ്ട് ചേരുവകൾ വെളിച്ചെണ്ണയുടെ ചേർത്ത് താരൻ അകറ്റാൻ മരുന്നാക്കാം. ഈ എണ്ണ തയ്യാറാക്കാനും വളരെ എളുപ്പമാണ്.



ഈ എണ്ണയുടെ ഉപയോഗം നൽകുന്ന ഗുണങ്ങൾ എന്തെല്ലാം ആണെന്ന് നോക്കാം.

കർപ്പൂരതുളസി: കർപൂരതുളസിയിൽ നിന്ന് വേർതിരിച്ചെടുത്ത കർപൂരതുളസി എണ്ണ അഥവാ പെപ്പർമിന്റ് ഓയിലിൽ അടങ്ങിയ മെത്തനോൾ എന്ന സംയുക്തം കാരണം മനോഹരമായ സുഗന്ധവും തണുപ്പ് പകരുന്ന ഫലവുമുണ്ട്. തണുപ്പിക്കൽ പ്രഭാവം മുടിയുടെ രക്തചംക്രമണം വർദ്ധിപ്പിക്കുകയും അതുവഴി മുടിയുടെ വളർച്ചയെ പ്രോത്സാഹിപ്പിക്കുകയും ചെയ്യും. ആന്റിമൈക്രോബയൽ, ആൻറി ഇൻഫ്ലമേറ്ററി ഗുണങ്ങൾ മുടി താരൻ ഇല്ലാത്തതാണെന്ന് ഉറപ്പാക്കും. ഈ എണ്ണ ശിരോചർമ്മം വൃത്തിയാക്കാനും സെബം ഉത്പാദനം സന്തുലിതമാക്കാനും സഹായിക്കുന്നു.

ലാവണ്ടർ: പിരിമുറുക്കം ഒഴിവാക്കുകയും മുടിയുടെ വളർച്ചയെ ഉത്തേജിപ്പിക്കുകയും ചെയ്യുന്ന ചികിത്സാ ഗുണങ്ങൾ ലാവെൻഡറിൽ ഉണ്ട്. നിങ്ങളുടെ ശിരോചർമ്മത്തിൽ ബാക്ടീരിയയും ഫംഗസും വളരുന്നത് തടയുന്ന ആന്റിമൈക്രോബയൽ ഗുണങ്ങളളും ഇതിൽ ഉണ്ട്. അതിനാൽ, ലാവെൻഡർ ഓയിൽ ഉപയോഗിക്കുന്നത് തലയിൽ ചൊറിച്ചിൽ കുറയ്ക്കാനും ശിരോചർമ്മത്തിലെ വരൾച്ച കുറയ്ക്കാനും താരൻ പ്രതിരോധിക്കാനും സഹായിക്കും.

കർപൂരതുളസി – ലാവണ്ടർ ഹെയർ ഓയിൽ തയ്യാറാക്കുന്ന വിധം ഇതാ

പുതിയതോ ഉണങ്ങിയതോ ആയ കർപൂരതുളസി ഇലകൾ

പുതിയതോ ഉണങ്ങിയതോ ആയ ലാവെൻഡർ പൂക്കൾ

വെളിച്ചെണ്ണ

വരണ്ട ചർമ്മത്തെ പരിപാലിക്കാൻ അവോക്കാഡോ ചേർത്തൊരു ഫെയ്‌സ് മാസ്ക്

തയ്യാറാക്കുന്നതിന്



ഘട്ടം 1: വൃത്തിയുള്ള ഗ്ലാസ് ജാറിൽ, തിളപ്പിച്ച വെള്ളം ഒഴിക്കുക, തുടർന്ന് അതിൽ കർപൂരതുളസി ഇല ചേർക്കുക. വെളിച്ചെണ്ണ ഒഴിച്ച് പാത്രം നിറച്ച് ഒരാഴ്ച ഉണങ്ങിയതും ചൂടുള്ളതുമായ സ്ഥലത്ത് സൂക്ഷിക്കുക. ഇടയ്ക്ക് ഈ പാത്രം നന്നായി കുലുക്കി കൊടുക്കുക.

ഘട്ടം 2: മറ്റൊരു വൃത്തിയുള്ള ഒരു ഗ്ലാസ് ജാറിൽ, തിളപ്പിച്ച വെള്ളം ഒഴിക്കുക, തുടർന്ന് ലാവെൻഡറിന്റെ തണ്ട്, പൂക്കൾ, ഇലകൾ എന്നിവ ചേർക്കുക. വെളിച്ചെണ്ണ ഒഴിച്ച് ജാർ നിറച്ച് ഒരാഴ്ച ഉണങ്ങിയതും ചൂടുള്ളതുമായ സ്ഥലത്ത് സൂക്ഷിക്കുക. ഇതും ഇടയ്ക്ക് കുലുക്കി കൊടുക്കുക.

ഘട്ടം 3: ഒരാഴ്ചയ്ക്ക് ശേഷം ഇവ രണ്ടും അരിച്ചെടുക്കുക. വേർതിരിച്ചെടുത്ത രണ്ട് എണ്ണകളും പ്രത്യേക ഗ്ലാസ് പാത്രത്തിൽ ഒരുമിച്ച് കലർത്തിയ ശേഷം ഉപയോഗിക്കാം.

ഉപയോഗിക്കേണ്ടതിന്



ഘട്ടം 1: ഒരു ടീസ്പൂൺ എണ്ണ എടുത്ത് തലയിൽ ഒഴിക്കുക.

ഘട്ടം 2: ശിരോചർമ്മത്തിലും മുടിയുടെ മുഴുവൻ നീളത്തിലും എണ്ണ നന്നായി മസാജ് ചെയ്യുക.

ഘട്ടം 3: 15-20 മിനിറ്റ് എണ്ണ വിടുക, തുടർന്ന് ഒരു ഷാംപൂ ഉപയോഗിച്ച് തല നന്നായി കഴുകുക.

അവശ്യ എണ്ണകളാണ് ഉപയോഗത്തിനായി തെരഞ്ഞെടുക്കുന്നതെങ്കിൽ അവ നേരിട്ട് ഉപയോഗിക്കുന്നതിന് മുമ്പ് ലയിപ്പിക്കേണ്ടതുണ്ടെന്ന് ഓർമ്മിക്കുക, കാരണം അവശ്യ എണ്ണ ലയിപ്പിക്കാതെ ഉപയോഗിച്ചാൽ അത് തലയിൽ പൊള്ളലിനും അസ്വസ്ഥതയ്ക്കും കാരണമാകും. ഈ എണ്ണ കുറഞ്ഞത് 5-6 മാസമെങ്കിലും വരണ്ട സ്ഥലത്ത് സൂക്ഷിക്കാമെന്നും ഓർമ്മിക്കുക.

അതിനാൽ, ആഴ്ചയിൽ ഒന്നോ രണ്ടോ തവണയെങ്കിലും ഈ ഹെയർ ഓയിൽ ഉപയോഗിക്കാവുന്നതാണ്.