9 വയസുകാരിയെ ബലാത്സംഗം ചെയ്ത് കൊലപ്പെടുത്തി മൃതദേഹം ദഹിപ്പിച്ചു; പൂജാരി അടക്കമുള്ളവർ പിടിയിൽ

ന്യൂഡൽഹി: രാജ്യതലസ്ഥാനത്ത് ഒൻപത് വയസുകാരിയെ ബലാത്സംഗം ചെയ്ത് കൊലപ്പെടുത്തി മൃതദേഹം ബലമായി ദഹിപ്പിച്ചതായി പരാതി. ഡൽഹി കൻ്റോൺമെൻ്റ് ഏരിയയിലെ പുരാനാങ്കലിലാണ് സംഭവം. സംഭവത്തിൽ അന്വേഷണം ആരംഭിച്ച പോലീസ് പൂജാരി അടക്കം നാല് പേരെ കസ്റ്റഡിയിലെടുത്തു.



വിസ്മയ കേസ്; സ്പെഷ്യൽ പ്രോസിക്യൂട്ടറെ നിയമിച്ച് സർക്കാർ

പുരാനനങ്കലിലെ ശ്‌മശാനത്തിന് സമീപത്ത് താമസിക്കുന്ന കുടുംബത്തിലെ കുട്ടിയാണ് കഴിഞ്ഞ ദിവസം ബലാത്സംഗത്തിനിരയായി കൊല്ലപ്പെട്ടത്. ശ്‌മശാനത്തോട് ചേർന്ന് സ്ഥാപിച്ചിരുന്ന കൂളറിൽ നിന്ന് വെള്ളം എടുക്കാനായി പോയ കുട്ടി മടങ്ങി വരാതിരുന്നതോടെ മാതാപിതാക്കൾ അന്വേഷണം ആരംഭിച്ചു. കുട്ടിക്കായി തെരച്ചിൽ തുടരുന്നതിനിടെ വൈകീട്ട് ആറ് മണിയോടെ ഒരു സംഘമാളുകൾ കുടിയുടെ അമ്മയെ ശ്‌മശാനത്തിലേക്ക് വിളിച്ച് വരുത്തുകയും ഒൻപത് വയസുകാരിയുടെ മൃതദേഹം കാണിക്കുകയും ചെയ്തു.

ശ്‌മശാനത്തിൽ ജോലി ചെയ്യുന്ന പൂജാരിയുമായി അടുത്ത ബന്ധം പുലർത്തുന്നവരാണ് കുട്ടിയുടെ മൃതദേഹം അമ്മയെ വിളിച്ച് കാണിച്ചത്. കൂളറിൽ നിന്നും വെള്ളം കുടിക്കുന്നതിനിടെ വൈദ്യുതാഘാതമേറ്റാണ് കുട്ടി മരിച്ചതെന്ന് പൂജാരി അറിയിക്കുകയും ചെയ്തു. കുട്ടിയുടെ മരണവിവരം പുറത്തറിഞ്ഞാൽ മൃതദേഹം പോസ്റ്റ്മോർട്ടം ചെയ്യേണ്ടിവരുമെന്നും കുട്ടിയുടെ അവയവങ്ങൾ മോഷ്ടിക്കപ്പെടുമെന്നും അമ്മയെ പറഞ്ഞ് വിശ്വസിപ്പിച്ച ശേഷം മൃതദേഹം ദഹിപ്പിക്കാൻ ശ്രമിക്കുകയായിരുന്നു.

പെൺകുട്ടിയെ പീഡിപ്പിച്ചു ഗര്‍ഭിണിയാക്കി മുങ്ങി; പ്രതിയ്ക്ക് പോലീസിൻ്റെ ഫ്രണ്ട് റിക്വസ്റ്റ്; ഉദ്യോഗസ്ഥയുടെ തന്ത്രപരമായ നീക്കം

കുട്ടിയുടെ മരണവിവരം അറിഞ്ഞ് എത്തിയ സമീപവാസികൾ കുട്ടിയുടെ കൈത്തണ്ടയിലും കൈമുട്ടിലും പൊള്ളലേറ്റ പാടുകൾ കണ്ടെത്തിയതോടെ പോലീസിൽ വിവരമറിയിച്ചു. പോലീസ് നടത്തിയ പരിശോധനയിലാണ് ബലാത്സംഗം നടന്നതായി വ്യക്തമായത്. കുട്ടിക്ക് നീതി ലഭ്യമാക്കണമെന്ന് ആവശ്യപ്പെട്ട് പ്രദേശവാസികൾ പ്രതിഷേധം തുടരുകയാണ്.