കേരളത്തില്‍ റിപ്പോര്‍ട്ട് ചെയ്‍തതിന് പിന്നാലെ മഹാരാഷ്ട്രയിലും സിക്ക വൈറസ് സ്ഥിരീകരിച്ചു. കേരളത്തില്‍ നിന്നുള്ള വ്യാപാരികളാണ് വൈറസ് കൊണ്ടുവന്നതെന്ന് സംശയം. ഇത് ഉള്‍പ്പെടെ അന്വേഷണം പരിധിയില്‍.
സിക്ക വൈറസ് മഹാരാഷ്ട്രയിൽ റിപ്പോർട്ടുചെയ്തു. Photo: BCCL/File/Representative
പൂനെയിലെ ബെൽസർ, പരിഞ്ചെ ഗ്രാമത്തിലെ ആളുകൾക്ക് ജൂലൈ ആദ്യം മുതൽ തന്നെ ഡെങ്കി, ചിക്കുൻഗുനിയ പോലുള്ള രോഗങ്ങളുടെ ലക്ഷണങ്ങൾ കണ്ടിരുന്നു. ഇതേ തുടർന്ന് കൊതുകുജന്യ രോഗങ്ങൾ ഒഴിവാക്കാനുള്ള പതിവ് നിരീക്ഷണത്തിന്റെ ഭാഗമായി ഗ്രാമവാസികളുടെ രക്ത സാമ്പിളുകൾ ശേഖരിച്ചിരുന്നു. അതിൽ സിക്ക സ്ഥിരീകരിച്ചവരുടെ സാമ്പിളും ഉണ്ടായിരുന്നു. — ടൈംസ് ഓഫ് ഇന്ത്യ റിപ്പോര്‍ട്ട് ചെയ്യുന്നു.
രോഗവാഹകരായ കൊതുകുകളുടെ കടിയിലൂടെയാണ് സിക്ക വൈറസ് ആളുകളിലേക്ക് പകരുന്നത്, പ്രധാനമായും ഈഡിസ് ഈജിപ്റ്റി (Aedes aegypti) ഇനത്തിൽപ്പെട്ട കൊതുക്, ഡെങ്കിപ്പനിക്കും ചിക്കുൻഗുനിയയ്ക്കും ഇത് കാരണമാകുന്നു.
മഹാരാഷ്ട്രയിലെ സിക്ക വൈറസിൻ്റെ സ്ഥിരീകരണ ശേഷം വൈറസ് പെരുകുന്നത് തടയാനായി ആരോഗ്യവകുപ്പ് മുൻകരുതലുകൾ സ്വീകരിച്ചു. ഒപ്പം ഗ്രാമീണ മേഖലയിൽ വീടുകൾതോറും ആരോഗ്യവകുപ്പ് സർവേ നടത്തി. കൂടാതെ, പ്രദേശത്ത് ബോധവൽക്കരണ പരിപാടികൾ നടത്തുകയും വൈറസിനെക്കുറിച്ചും ഗ്രാമവാസികൾക്ക് ബോധവത്കരണം നൽകുകയും ചെയ്തു.
അതേസമയം, സിക്ക വൈറസ് സ്ഥിരീകരിച്ച സ്ത്രീയുടെ ആരോഗ്യനില തൃപ്തികരമാണെന്ന് ആരോഗ്യ വകുപ്പ് അറിയിച്ചു, കൂടാതെ, ഇവരുമായി സമ്പർക്കത്തിൽ വന്ന ആരുംതന്നെ ഇതുവരെ രോഗലക്ഷണങ്ങൾ കാണിക്കുന്നില്ല എന്നാണ് പുറത്ത് വരുന്ന റിപ്പോർട്ടുകൾ.
മഹാരാഷ്ട്രയിൽ സിക്ക വൈറസ് സ്ഥിരീകരിച്ചപ്പോൾ എങ്ങനെ ഇവിടെ സിക്ക വൈറസിൻ്റെ സാന്നിധ്യം വന്നു എന്ന് അന്വേഷിക്കാൻ ഐസിഎംആർ – എൻഐവി ഡയറക്ടർ പ്രിയ എബ്രഹാം തന്‍റെ പ്രാഥമിക സിക്ക അന്വേഷണ റിപ്പോർട്ടിൽ പറഞ്ഞു.
തുടർന്ന് നടത്തിയ പരിശോധനയിൽ ഇതിൽ മൂന്നുപേർക്ക് ചിക്കുൻഗുനിയയുണ്ടെന്ന് കണ്ടെത്തി. അതിന് പിന്നാലെ ജൂലൈ 27നും 29നും ഇടയിൽ എൻഐവിയിലെ ഒരുസംഘം വിദഗ്ധർ ബെൽസർ, പരിഞ്ചെ ഗ്രാമങ്ങൾ സന്ദർശിച്ച് 41 പേരുടെ രക്തസാംപിളുകൾ ശേഖരിച്ചു. ഇതിൽ 25 പേർക്ക് ചിക്കൻഗുനിയയും മൂന്നുപേർക്ക് ഡെങ്കിപ്പനിയും ഒരാൾക്ക് സിക്ക വൈറസും സ്ഥിരീകരിക്കുകയായിരുന്നു.
ഗ്രാമത്തിൽ സിക്ക വൈറസിനെക്കുരിച്ച് പഠനം നടത്താൻ വന്നവർ ഈഡിസ് കൊതുകുകളുടെ ലാർവയുടെ സാന്നിധ്യം കണ്ടെത്തി. കൂടുതലും പ്ലാസിറ്റിക് ഡ്രമ്മുകളിലാണ് കൊതുകുകളുടെ മുട്ട കണ്ടത്.
“കേരളത്തിൽ നിന്നുള്ള വ്യാപാരികൾ പതിവായി മാതളനാരങ്ങ വാങ്ങാൻ ഈ ഗ്രാമങ്ങളിലേക്ക് വന്നിരുന്നു. ഇവിടുത്തെ ഗ്രാമങ്ങളിലെ കർഷകരും അവരുടെ വിളവ് കേരള വിപണികളിലേക്ക് അയച്ചിരുന്നു. സിക്ക വൈറസ് ഇത് മൂലം കേരളത്തിൽ നിന്ന് വന്നതാം എന്ന് സംശയിക്കുന്നു. അതിനെ കുറിച്ചുള്ള ഞങ്ങളുടെ അന്വേഷണം ഇപ്പോഴും തുടരുകയാണെന്ന്, ”ജില്ലാ പരിഷത്ത് ചീഫ് എക്സിക്യൂട്ടീവ് ഓഫീസർ ആയുഷ് പ്രസാദ് പറഞ്ഞു.
ജൂലൈ ആദ്യം മുതൽ തന്നെ കേരളത്തിൽ സിക്ക വൈറസ് റിപ്പോർട്ട് ചെയ്തിരുന്നു. നിലവിൽ 61 കേസുകളാണ് റിപ്പോർട്ട് ചെയ്തിട്ടുള്ളത്. ഇന്ത്യയിൽ ആദ്യമായി സിക്ക വൈറസിൻ്റെ സാന്നിധ്യം 2017 ൽ ഗുജറാത്തിലാണ് റിപ്പോർട്ട് ചെയ്തത്. പിന്നീട് ആ വർഷ അവസാനത്തോടെ തമിഴ്നാട്ടിലും റിപ്പോർട്ട് ചെയ്തിരുന്നു.
2017 ൽ ഗുജറാത്തിൽ സിക്ക വൈറസിന്റെ ആദ്യ കേസ് റിപ്പോർട്ട് ചെയ്യപ്പെടുകയും പിന്നീട് തമിഴ്നാട്ടിൽ കണ്ടെത്തുകയും ചെയ്തു. 2018 അവസാനത്തോടെ രാജസ്ഥാനിലും മധ്യപ്രദേശിലും വലിയ തോതില്‍ വ്യാപനം ഉണ്ടായി.
****
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : zika virus in maharashtra 2021
Malayalam News from malayalam.samayam.com, TIL Network
