ലോകത്തിലെ ഏറ്റവും ഉയരത്തിലുള്ള റോഡ് ഇന്ത്യയിൽ; എവറസ്റ്റ് ബേസ് ക്യാമ്പിനേക്കാൾ ഉയരത്തിൽ

ന്യൂഡൽഹി: ലോകത്തിലെ ഏറ്റവും ഉയരത്തിലുള്ള റോഡ് നിര്‍മ്മിക്കാനൊരുങ്ങി ഇന്ത്യ. ബോർഡര്‍ റോഡ്സ് ഓര്‍ഗനൈസേഷനാണ് ഇത്തരത്തിൽ റോഡ് നിര്‍മ്മിച്ചത്. ലഡാഖില്‍ 19,300 അടി ഉയരത്തിലാണ് ഈ റോഡ് വന്നിരിക്കുന്നത്. കേന്ദ്ര സര്‍ക്കാരാണ് വാര്‍ത്താക്കുറിപ്പിലൂടെ ഇക്കാര്യം അറിയിച്ചത്.



Also Read : നിരവധി സ്ത്രീകളുമായി ശാരീരിക ബന്ധം, ലഹരിക്ക് അടിമ; റാപ്പർ ഹണി സിങ്ങിനെതിരെ ഗാര്‍ഹിക പീഡന പരാതിയുമായി ഭാര്യ

ഇതോടെ മൗണ്ട് എവറസ്റ്റിന്റെ ബേസ് ക്യാമ്പുകളേക്കാള്‍ ഉയരത്തിലാണ് പുതിയ റോഡ്. നേപ്പാളിലെ സൗത്ത് ബേസ് ക്യാമ്പ് 17,598 അടി ഉയരത്തിലും ടിബറ്റിലെ നോർത്ത് ബേസ് ക്യാമ്പ് 16,900 അടിയിലുമാണുള്ളത്.

അതായത്, ഏറ്റവും വലിയ വിമാനങ്ങൾ 30,000 അടി ഉയരത്തിലും അതിനു മുകളിലുമാണ് പറക്കുന്നത്, അതിനാൽ ഈ റോഡ് അതിന്റെ പകുതിയിലധികം ഉയരത്തിലാണിത്.

ലഡാഖിലെ ഉംലിംഗ്ല ചുരത്തിൽ 19,300 അടി ഉയരത്തിലാണ് റോഡ് നിര്‍മ്മിക്കപ്പെടുക. നിലവിൽ ബൊളീവിയയിൽ 18,953 അടി ഉയരത്തിലാണ് ഏറ്റവും ഉയരത്തിലുള്ള റോഡുള്ളത്. ഇതിന്റെ റെക്കോർഡാണ് ഇന്ത്യ ഭേദിക്കാൻ തയ്യാറെടുക്കുന്നത്.

ലഡാക്കിലെ സാമൂഹിക-സാമ്പത്തിക അവസ്ഥ മെച്ചപ്പെടുത്തുന്നതിനും ടൂറിസം പ്രോത്സാഹിപ്പിക്കുന്നതിനുമായി ഉംലിംഗ്ല പാസ് ഇപ്പോൾ ബ്ലാക്ക് ടോപ്പ് റോഡുമായി ബന്ധിപ്പിച്ചിരിക്കുന്നുവെന്ന് കേന്ദ്ര സര്‍ക്കാര്‍ പറഞ്ഞു.

Also Read : കർണാടക മന്ത്രിസഭ പുന:സംഘടന; യെദ്യൂരപ്പയുടെ മകൻ മന്ത്രിസഭയിൽ നിന്നും പുറത്തേക്ക്



കഠിനവുമായ ഭൂപ്രദേശങ്ങളിലെ അടിസ്ഥാന സൗകര്യ വികസനം എത്തിക്കുക അങ്ങേയറ്റം വെല്ലുവിളി നിറഞ്ഞതാണ്. ശൈത്യകാലത്ത് മൈനസ് 40 വരെയായിരുന്നു ഇവിടുത്തെ താപനില ഉണ്ടായിരുന്നത്. അതിന് പുറമെ, ഉയരത്തിൽ ഓക്സിജന്റെ അളവ് സാധാരണ സ്ഥലങ്ങളേക്കാൾ 50 ശതമാനം കുറവാണ്. 52 കിലോ മീറ്റര്‍ ദൂരമുള്ള റോഡിന്റെ നിര്‍മ്മാണമാണ് പൂര്‍ത്തീകരിച്ചിരിക്കുന്നത്.