വീട്ടുസാധനങ്ങളെന്ന പേരില്‍ പാര്‍സല്‍; 3.19 കോടിയുടെ ഐഫോണുകള്‍ പിടിച്ചെടുത്തു

Jibin George | Samayam Malayalam | Updated: 03 Jun 2021, 04:57:00 PM

റിയാദിൽ നിന്ന് എത്തിയ മൂന്ന് കോടിയിലധികം രൂപയുടെ ഐ ഫോണുകളാണ് ഡൽഹിയിൽ പിടിച്ചെടുത്തത്. വീട്ടുസാധനങ്ങളെന്ന പേരിലാണ് ഇത്രയും സാധനങ്ങൾ എത്തിയതെന്നാണ് അധികൃതർ വ്യക്തമാക്കുന്നത്

പിടിച്ചെടുത്ത ഫോണുകൾ. Photo: ANI

ഹൈലൈറ്റ്:

മൂന്ന് കോടിയിലധികം രൂപയുടെ ഐ ഫോണുകൾ പിടിച്ചെടുത്തു.
ഫോണുകൾ എത്തിയത് പാർസലുകളിൽ.
കൂടുതൽ വിവരങ്ങൾ പുറത്തുവന്നിട്ടില്ല.

ന്യൂഡൽഹി: കൊവിഡ്-19 നിയന്ത്രണങ്ങൾ തുടരുന്നതിനിടെ വീട്ടുസാധനങ്ങളെന്ന പേരിൽ എത്തിയ പാർസലുകളിലാണ് മൂന്ന് കോടിയിലധികം രൂപയുടെ ഐ ഫോണുകൾ പിടിച്ചെടുത്തു. 3.19 കോടി രൂപ വിലമതിക്കുന്ന 367 ഐ ഫോണുകളാണ് ഡൽഹിയിൽ നിന്നും കസ്‌റ്റംസ് പിടിച്ചെടുത്തതെന്ന് വാർത്താ ഏജൻസിയായ എഎൻഐ റിപ്പോർട്ട് ചെയ്‌തു.

പതിനാറുകാരനെ പീഡിപ്പിച്ച് യുവതി; ഒരു ലക്ഷം രൂപ നൽകിയില്ലെങ്കിൽ കേസിൽ കുടുക്കുമെന്ന് ഭീഷണി

വീട്ട്സാധനങ്ങൾ എന്ന പേരിൽ റിയാദിൽ നിന്ന് എത്തിയ എട്ട് പാർസലുകളിൽ നിന്നാണ് കോടിക്കടക്കണക്കിന് രൂപയുടെ ഫോണുകൾ പിടിച്ചെടുത്തത്. സംഭവവുമായി ബന്ധപ്പെട്ട് കൂടുതൽ വിവരങ്ങൾ പുറത്തുവന്നിട്ടില്ല.

രഹസ്യവിവരത്തെ തുടർന്ന് സ്‌പെഷ്യൽ ഇൻവെസ്‌റ്റിഗേഷൻ ആൻഡ് ഇൻ്റലിജൻസ് ബ്രാഞ്ചും (എസ്.ഐ.ഐ.ബി) എ.സി.സി എക്‌സ്‌പോർട്ട് കമ്മീഷണറും ചേർന്നാണ് ഫോണുകൾ പിടിച്ചെടുത്തത്. അന്വേഷണം ആരംഭിച്ചതായി ദേശീയ മാധ്യമങ്ങൾ റിപ്പോർട്ട് ചെയ്യുന്നുണ്ട്.

ഐസിയു കിടക്കയിൽ 18കാരിയെ കുത്തിവെച്ച് ബോധം കെടുത്തി പീഡിപ്പിച്ചു; വാർഡ് ബോയ് പിടിയിൽ

കൊവിഡ് കേസുകളിൽ നേരിയ കുറവ് സംഭവിച്ചതോടെ ഡൽഹിയിൽ ലോക്ക്‌ഡൗൺ ഇളവുകൾ നിലവിൽ വന്നിരുന്നു. ഇതിനിടെയാണ് കോടിക്കണക്കിന് രൂപയുടെ കള്ളക്കടത്ത് പിടികൂടിയത്.