മധ്യപ്രദേശ് പ്രളയം: രക്ഷാപ്രവര്‍ത്തനത്തിനിടെ കുടുങ്ങിയ ആഭ്യന്തരമന്ത്രിയെ എയര്‍ലിഫ്റ്റ് ചെയ്തു

ഭോപ്പാൽ: ശക്തമായ മഴയേ തുടര്‍ന്ന് പ്രളയക്കെടുതി നേരിടുകയാണ് മധ്യപ്രദേശ്. വെള്ളപ്പൊക്കത്തിന്റെ ഭീകരമായ ദൃശ്യങ്ങള്‍ ഇതിനോടകം പുറത്തുവന്നുകൊണ്ടിരിക്കുകയാണ്. അതിനിടെ രക്ഷാപ്രവര്‍ത്തനത്തിന് പോയ ആഭ്യന്തരമന്ത്രിയെ രക്ഷാപ്രവര്‍ത്തകര്‍ എത്തി എയര്‍ലിഫ്റ്റ് ചെയ്തു. മധ്യപ്രദേശ് ആഭ്യന്തര മന്ത്രി നരോത്തം മിശ്രയെ ആണ് ഇത്തരത്തിൽ രക്ഷപെടുത്തിയത്.

സീനിയോറിട്ടിയെ ചൊല്ലി തര്‍ക്കം, സ്റ്റേഷനിൽ വനിതാ എസ്ഐമാര്‍ തമ്മിലടിച്ചു; ഒടുവിൽ സ്ഥലം മാറ്റി

പ്രളയബാധിതരായ ദാത്തിയ ജില്ലയിൽ രക്ഷാപ്രവര്‍ത്തനത്തിന് എത്തിയതായിരുന്നു ആഭ്യന്തരമന്ത്രിയും സംഘവും. രക്ഷാപ്രവര്‍ത്തനത്തിന് നേരിട്ടിറങ്ങിയ മന്ത്രി ഒരു വീടിന്റെ ടെറസിൽ നിന്നും ഒൻപതംഗ സംഘത്തെ കണ്ടെത്തുകയായിരുന്നു.

കുടുങ്ങിക്കിടക്കുന്ന ആളുകളെ ബോട്ടിൽ രക്ഷിക്കാൻ മന്ത്രി ക്രമീകരണങ്ങൾ ചെയ്യുന്നതിന് മുൻപായി ഒരു മരം ഒടിഞ്ഞ് ബോട്ടിൽ വീഴുകയായിരുന്നു. തുടര്‍ന്ന് ബോട്ടിന്റെ മോട്ടോർ പ്രവർത്തിപ്പിക്കാൻ സാധിക്കാതെ വരികയുമായിരുന്നുവെന്ന് ഉദ്യോഗസ്ഥൻ പറഞ്ഞു. ശക്തമായ കാറ്റും കുത്തൊഴുക്കും ഉണ്ടായിരുന്ന സമയത്താണ് മന്ത്രിയുടെ നേതൃത്വത്തിൽ രക്ഷാപ്രവര്‍ത്തനത്തിന് പുറപ്പെട്ടത്.

വീടിന്റെ ടെറസ് ഒഴികെ എല്ലാ ഭാഗവും വെള്ളം കൊണ്ട് മൂടിയ ആവസ്ഥയിലായിരുന്നു ഉണ്ടായിരുന്നത്. മന്ത്രി മിശ്ര അതേ പ്രദേശത്തുനിന്നുമുള്ള എംഎൽഎയാണ്.

ഉടൻ തന്നെ, മന്ത്രി രക്ഷാപ്രവര്‍ത്തനത്തിന് അധികൃതരെ വിവരം അറിയിക്കുകയും വ്യോമസേന ഹെലികോപ്റ്ററുമായി എത്തി അദ്ദേഹത്തേയും ഒൻപതംഗ സംഘത്തേയും എയര്‍ലിഫ്റ്റ് ചെയ്ത് രക്ഷിക്കുകയുമായിരുന്നു. കുടുങ്ങി കിടന്നവരെ രക്ഷപെടുത്തിയതിന് ശേഷമാണ് മന്തത്രി ഹെലികോപ്ടറിലേക്ക് കയറിയത്. ഇതിന്റെ വീഡിയോ ദൃശ്യങ്ങളും ട്വിറ്ററിൽ പ്രചരിക്കുന്നുണ്ട്.

അയോധ്യ രാമക്ഷേത്രം; 2023 ഡിസംബർ‍ മുതൽ ഭക്തര്‍ക്കായി തുറന്നുകൊടുക്കും

പ്രളയത്തിൽ ജില്ലയിലെ രണ്ട് പാലങ്ങൾ ഒലിച്ചുപോയിരുന്നു. നിറഞ്ഞൊഴുകിയ ഡാമിൽ നിന്ന് വെള്ളം തുറന്നുവിട്ടതോടെയുണ്ടായ കുത്തൊഴുക്കിലാണ് സംഭവം. മണിഘേദ ഡാമം തുറന്നുവിട്ടതോടയാണ് പാലം തകർന്നത്. മണിഘേദ ഡാമിന്റെ 10 ഷട്ടറുകൾ തുറന്നതെന്നും സമീപത്തെ പ്രദേശങ്ങൾക്ക് മുന്നറിയിപ്പ് നൽകിയിരുന്നുവെന്നും മുഖ്യമന്ത്രി ശിവ്‍രാജ് സിംഗ് ചൗഹാൻ പറഞ്ഞു. ഗ്വാളിയോറുമായി ബന്ധിക്കുന്ന പാലങ്ങളാണ് തകർന്നുവീണത്.