Sumayya P | Samayam Malayalam | Updated: 05 Aug 2021, 09:44:38 AM
നേരത്തേ വാക്‌സിനെടുത്തവരാണെങ്കിലും ഹൈ റിസ്‌ക് രാജ്യങ്ങളില്‍ നിന്നു വരുന്നവര്‍ മൂന്നാമതൊരു രാജ്യത്ത് 14 ദിവസം താമസിച്ച ശേഷം മാത്രമേ രാജ്യത്തേക്ക് പ്രവേശിക്കാവൂ എന്ന് കുവൈറ്റ് അന്താരാഷ്ട്ര വിമാനത്താവളം അധികൃതര്‍ അറിയിച്ചിരുന്നു. എന്നാല്‍ ഇനി ഇത് ആവശ്യമില്ല. നേരിട്ട് കുവൈറ്റില്‍ എത്താം
നേരിട്ട് കുവൈറ്റില്‍ എത്താം
കുവൈറ്റിന് പുറത്ത് വച്ചാണ് വാക്‌സിന്‍ എടുത്തതെങ്കില്‍ യാത്ര ചെയ്യുന്നതിന്റെ അഞ്ചു ദിവസത്തിനുള്ളില്‍ മുസാഫിര്‍ പ്ലാറ്റ് ഫോമില്‍ വാക്‌സിനേഷന്‍ സര്‍ട്ടിഫിക്കറ്റ് രജിസ്റ്റര്‍ ചെയ്ത് ആരോഗ്യമന്ത്രാലയത്തിന്റെ അംഗീകാരം നേടിയിരിക്കണമെന്നും അദ്ദേഹം അറിയിച്ചു.
നേരത്തേ വാക്‌സിനെടുത്തവരാണെങ്കിലും ഹൈ റിസ്‌ക് രാജ്യങ്ങളില്‍ നിന്നു വരുന്നവര്‍ മൂന്നാമതൊരു രാജ്യത്ത് 14 ദിവസം താമസിച്ച ശേഷം മാത്രമേ രാജ്യത്തേക്ക് പ്രവേശിക്കാവൂ എന്ന് കുവൈറ്റ് അന്താരാഷ്ട്ര വിമാനത്താവളം അധികൃതര്‍ അറിയിച്ചിരുന്നു. എന്നാല്‍ ഇനി ഇത് ആവശ്യമില്ലെന്നും നേരിട്ട് കുവൈറ്റില്‍ എത്താമെന്നുമാണ് ആരോഗ്യ മന്ത്രി ഇപ്പോള്‍ വ്യക്തമാക്കിയിരിക്കുന്നത്.
വാക്‌സിനേഷന്‍ സര്‍ട്ടിഫിക്കറ്റിന് പുറമെ പിസിആര്‍ ടെസ്റ്റ്
ഇന്ത്യയ്ക്കു പുറമെ, ശ്രീലങ്ക, ബംഗ്ലാദേശ്, പാകിസ്താന്‍, നേപ്പാള്‍ എന്നീ ഏഷ്യന്‍ രാജ്യങ്ങളില്‍ നിന്നുള്ളവര്‍ക്കും ഈ ഇളവ് ബാധകമാണ്. അതേസമയം, ഇന്ത്യയില്‍ നിന്നു വരുന്നവര്‍ക്ക് ഹോട്ടല്‍ ക്വാറന്റൈന്‍ ആവശ്യമുണ്ടോ എന്ന കാര്യത്തില്‍ വ്യക്തത കൈവന്നിട്ടില്ല. ഇന്ത്യ ഉള്‍പ്പെടെയുള്ള ഹൈ റിസ്‌ക് രാജ്യങ്ങളില്‍ നിന്നുള്ളവര്‍ കുവൈറ്റില്‍ എത്തിക്കഴിഞ്ഞാല്‍ ഏഴു ദിവസം ഹോട്ടല്‍ ക്വാറന്റൈനില്‍ കഴിയണമെന്നായിരുന്നു നേരത്തേയുള്ള നിര്‍ദ്ദേശം. ഏഴു ദിവസത്തിനിടയില്‍ ക്വാറന്റൈന്‍ അവസാനിപ്പിക്കണം എന്നുള്ളവര്‍ക്ക് സ്വന്തം ചെലവില്‍ പിസിആര്‍ ടെസ്റ്റ് നടത്തി നെഗറ്റീവാണെങ്കില്‍ താമസസ്ഥലത്തേക്ക് മാറാമെന്നും അധികൃതര്‍ അറിയിച്ചിരുന്നു. വാക്‌സിനേഷന്‍ സര്‍ട്ടിഫിക്കറ്റിന് പുറമെ, യാത്രയുടെ 72 മണിക്കൂറിനുള്ളില്‍ എടുത്ത പിസിആര്‍ ടെസ്റ്റിലെ നെഗറ്റീവ് സര്‍ട്ടിഫിക്കറ്റും കൈവശമുണ്ടായിരിക്കണം.
നേരിട്ടുള്ള വിമാന സര്‍വീസ് ഉടന്‍ ആരംഭിക്കുമെന്ന പ്രതീക്ഷയില്‍ പ്രവാസികള്‍
ഏഴു മാസത്തെ യാത്രാ വിലക്കിന് ശേഷം ആഗസ്ത് ഒന്നു മുതലാണ് വാക്സിനെടുത്ത പ്രവാസികള്‍ക്ക് കുവൈറ്റ് യാത്രാനുമതി നല്‍കിയത്. എന്നാല്‍ ഇന്ത്യ ഉള്‍പ്പെടെയുള്ള ഏതാനും രാജ്യങ്ങളില്‍ നിന്നുള്ളവര്‍ക്ക് വിലക്ക് തുടരുകയായിരുന്നു. ആരോഗ്യ മന്ത്രിയുടെ പുതിയ പ്രഖ്യാപനത്തോടെ ഇന്ത്യയില്‍ നിന്നുള്ള വാക്‌സിനേഷന്‍ ലഭിച്ച പ്രവാസികളുമായി നേരിട്ടുള്ള വിമാന സര്‍വീസ് ഉടന്‍ ആരംഭിക്കുമെന്ന പ്രതീക്ഷയിലാണ് പ്രവാസികള്‍. വാക്‌സിന്‍ എടുത്ത പ്രവാസികള്‍ക്ക് രാജ്യത്ത് പ്രവേശിക്കാമെന്നതു പോലെ കുവൈറ്റിന് പുറത്തേക്കുള്ള തടസ്സങ്ങളില്ലാതെ യാത്ര ചെയ്യാമെന്നും ആരോഗ്യ മന്ത്രിയെ ഉദ്ധരിച്ച് പത്രം റിപ്പോര്‍ട്ട് ചെയ്തു. നേരത്തേ വാക്സിനെടുത്ത സ്വദേശികള്‍ക്കു മാത്രമായിരുന്നു കുവൈറ്റിന് പുറത്തേക്ക് യാത്ര ചെയ്യാന്‍ അനുവാദമുണ്ടായിരുന്നത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : director general of civil aviation says vaccinated indians can enter kuwait via transit flights
Malayalam News from malayalam.samayam.com, TIL Network
