Sumayya P | Samayam Malayalam | Updated: 05 Aug 2021, 09:07:50 AM
ക്ലീനിംഗ്, ബാര്‍ബര്‍, കയറ്റിറക്ക് പോലുള്ള ഏതാനും ചെറിയ ജോലികളില്‍ മാത്രമാണ് വിദേശികള്‍ക്ക് ലഭ്യമാവുക
20 ശതമാനത്തില്‍ കൂടുതല്‍ പ്രവാസികള്‍ ഉണ്ടാവരുത്
മാളുകളിലെയും അതുമായി ബന്ധപ്പെട്ട മാനേജ്‌മെന്റ് ഓഫീസുകളിലെയും മുഴുവന്‍ ജോലികളും ഇതോടെ സൗദികള്‍ക്കു മാത്രമായി. ക്ലീനിംഗ്, ബാര്‍ബര്‍, കയറ്റിറക്ക് പോലുള്ള ഏതാനും ചെറിയ ജോലികളില്‍ മാത്രമാണ് വിദേശികള്‍ക്ക് ലഭ്യമാവുക. അതേസമയം, മാളിലെ ആകെ ജീവനക്കാരുടെ 20 ശതമാനത്തില്‍ കൂടുതല്‍ പ്രവാസികള്‍ ഉണ്ടാവരുതെന്നും നിയമമുണ്ട്.
വിദേശികള്‍ക്കായി നീക്കിവെച്ചിട്ടുള്ള ജോലികള്‍ ഇവയാണ്
ഈ വര്‍ഷം ഏപ്രിലില്‍ ഇതുമായി ബന്ധപ്പെട്ട പ്രഖ്യാപനം സൗദി മനുഷ്യവിഭവ സാമൂഹിക വികസന വകുപ്പ് മന്ത്രി അഹ്മദ് അല്‍ റാജിഹി നടത്തിയിരുന്നു. മാളുകളിലെ 51,000ത്തിലേറെ ജോലികള്‍ ഇതോടെ സൗദികള്‍ക്ക് മാത്രമാകും. അതേസമയം, മാളുകളിലെ കഫേകള്‍, റെസ്റ്റൊറന്റുകള്‍ എന്നിവിടങ്ങിലെ ചെറിയ ജോലികള്‍ വിദേശികള്‍ക്കായി നീക്കിവച്ചിട്ടുണ്ട്. കഫേകളില്‍ 50 ശതമാനം, റെസ്റ്റൊറന്റുകളില്‍ 40 ശതമാനം എന്നിങ്ങനെയാണ് സ്വദേശിവല്‍ക്കരണത്തിന്റെ തോത്. ഹൈപ്പര്‍മാര്‍ക്കറ്റുകളിലെയും സൂപ്പര്‍മാര്‍ക്കറ്റുകളിലെയും ജോലികളിലും പ്രവാസികളെ അനുവദിക്കും.
നടപ്പിലാക്കാത്തവര്‍ക്കെതിരെ ശിക്ഷ നടപടികള്‍
രാജ്യത്തെ റെസ്റ്റൊറന്റുകള്‍, കഫേകള്‍ എന്നിവിടങ്ങളിലെ സെയില്‍സ് ഔട്ട്‌ലെറ്റുകള്‍, പ്രധാന സപ്ലൈ മാര്‍ക്കറ്റുകള്‍ എന്നിവിടങ്ങളിലെ നിശ്ചിത ശതമാനം ജോലികളും സൗദികള്‍ക്ക് മാത്രമാക്കുന്നതിനുള്ള പ്രവര്‍ത്തനങ്ങളും പുരോഗമിക്കുകയാണ്. മാളുകളിലെ ജോലികളില്‍ സ്വദേശിവല്‍ക്കരണം നടപ്പിലാക്കാനുള്ള തീരുമാനം ഏപ്രില്‍ ഏഴിനായിരുന്നു മന്ത്രാലയം കൈക്കൊണ്ടത്. നിലവിലുള്ള പ്രവാസികളെ പിരിച്ചുവിട്ട് പകരം സൗദികളെ നിയമിക്കുന്നതിന് മാള്‍ ഉടമകള്‍ക്ക് 120 ദിവസമായിരുന്നു അനുവദിച്ചിരുന്നത്. അനുവദിക്കപ്പെട്ട ഈ ഗ്രേസ് കാലാവധി ആഗസ്ത് നാലിന് അവസാനിച്ചതിനെ തുടര്‍ന്നാണ് നിയമം പ്രാബല്യത്തില്‍ വന്നതായി ഇന്നലെ പ്രഖ്യാപിച്ചത്. ഇനിയും നിയമം നടപ്പിലാക്കാത്തവരുണ്ടെങ്കില്‍ അവര്‍ക്കെതിരേ ശക്തമായ ശിക്ഷാ നടപടികള്‍ സ്വീകരിക്കുമെന്ന് മന്ത്രാലയം അറിയിച്ചു. മലയാളികള്‍ ഉള്‍പ്പെടെ ആയിരക്കണക്കിന് പ്രവാസികള്‍ക്കാണ് പുതിയ ഈ തീരുമാനം നടപ്പിലായതോടെ ജോലി നഷ്ടമായത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : 100 percentage saudization of malls comes into force
Malayalam News from malayalam.samayam.com, TIL Network
