ബലാത്സംഗം ചെയ്തത് ബന്ധു, ഭര്‍ത്താവ് മൊബൈൽ ക്യാമറയിൽ പകര്‍ത്തി; പരാതിയുമായി യുവതി

ഭോപ്പാൽ: ഭര്‍ത്താവിനും ബന്ധുവായ യുവാവിനുമെതിരെ ഞെട്ടിക്കുന്ന ലൈംഗിക പീഡന പരാതിയുമായി യുവതി. ബന്ധുവായ യുവാവ് തന്നെ ബലാത്സംഗം ചെയ്തെന്നും രംഗം കണ്ടുനിന്ന് ഭര്‍ത്താവ് ഇത് ക്യാമറയിൽ ചിത്രീകരിച്ചെന്നുമാണ് മധ്യപ്രദേശ് സ്വദേശിയായ യുവതിയുടെ പരാതി.



തനിക്ക് കുഞ്ഞുങ്ങളുണ്ടാകാത്തു മൂലം മന്ത്രവാദത്തിനായി കൊണ്ടുപകുന്നുവെന്ന് കാണിച്ചാണ് ഭോപ്പാലിൽ നിന്ന് ഭര്‍ത്താവ് ഷാജപൂരിലേയ്ക്ക് കൊണ്ടുപോയതെന്ന് 21കാരിയായ യുവതി പരാതിയിൽ പറഞ്ഞു. മന്ത്രവാദി തന്‍റെ വന്ധ്യത സുഖപ്പെടുത്തുമെന്നായിരുന്നു ഭര്‍ത്താവ് തന്നെ അറിയിച്ചിരുന്നതെന്നും യുവതി പറഞ്ഞു.

കേരളത്തിൻ്റെ രീതി ശരിയല്ല, സൗകര്യങ്ങളില്ലെന്ന് കേന്ദ്രസംഘം; മുഖ്യമന്ത്രിയുമായി സംസാരിച്ച് കേന്ദ്ര ആരോഗ്യമന്ത്രി

ഭോപ്പാലിലെ ഗുൻഗാ എന്ന പ്രദേശത്താണ് പത്ത് ദിവസം മുൻപ് സംഭവം നടന്നത്. ഷാജപൂര്‍ സ്വദേശിയയായ യുവതിയും യുവാവും തമ്മിൽ രണ്ട് വര്‍ഷം മുൻപായിരുന്നു വിവാഹം നടന്നത്. ദമ്പതികള്‍ക്ക് കുട്ടികളില്ല. ഭര്‍ത്താവും യുവതിയുടെ സഹോദരനും ചേര്‍ന്ന് ജൂലൈ 21ന് യുവതിയെ ഒരു അമ്മായിയുടെ വീട്ടിലേയ്ക്ക് കൊണ്ടുപോകുകയായിരുന്നുവെന്ന് പോലീസ് പറഞ്ഞു. പ്രദേശത്ത് മന്ത്രവാദം ഉപയോഗിച്ച് വന്ധ്യത ചികിത്സിക്കുന്ന ഒരാളുണ്ടെന്നും ഇദ്ദേഹത്തെ കാണാമെന്നും പറഞ്ഞ് യുവതിയെ ഭര്‍ത്താവ് സമ്മതിപ്പിക്കുകയായിരുന്നു. ഇവിടെ ഒരു മുറിയിൽ യുവതിയെ സംഘം പൂട്ടിയിട്ടെന്നാണ് പോലീസ് പറയുന്നത്. മുറിയിൽ യുവതിയുടെ ഭര്‍ത്താവിനു പുറമെ ബന്ധുവായ യുവാവും ഉണ്ടായിരുന്നു. ബന്ധു യുവതിയെ ബലാത്സംഗം ചെയ്യുകയായിരുന്നുവെന്നും ഈ രംഗം ഭര്‍ത്താവ് മൊബൈൽ ക്യാമറയിൽ പകര്‍ത്തിയെന്നുമാണ് പോലീസ് പറയുന്നത്. ഭാര്യയെ ബലാത്സംഗം ചെയ്യാൻ ഇയാള്‍ ബന്ധുവിനെ സഹായിച്ചെന്നും ടൈംസ് ഓഫ് ഇന്ത്യ റിപ്പോര്‍ട്ടിലുണ്ട്.

41 വര്‍ഷത്തെ കാത്തിരിപ്പിന് വിരാമം, ഹോക്കിയില്‍ ശ്രീജേഷിനും സംഘത്തിനും വെങ്കലം

ദുരനുഭവം യുവതി അമ്മായിയോടു പറഞ്ഞപ്പോള്‍ വീട്ടിൽ നിന്ന് ഇറക്കി വിടുമെന്ന് ഭീഷണിപ്പെടുത്തിയെന്നും യുവതി പറഞ്ഞു. ഏതാനും ദിവസങ്ങള്‍ക്കു ശേഷം വീട്ടിൽ തിരിച്ചെത്തിയപ്പോള്‍ യുവതി വിവരം ഭര്‍ത്താവിൻ്റെ മാതാപിതാക്കളോടും പറഞ്ഞു. എന്നാൽ ഇവരും തന്നെ ഭീഷണിപ്പെടുത്തിയെന്നാണ് യുവതി പറയുന്നത്.

തുടര്‍ന്ന് വീട്ടിൽ നിന്ന് എങ്ങനെയോ രക്ഷപെട്ട യുവതി തന്‍റെ കുടുംബാംഗങ്ങളുടെ സഹായത്തോടെ പോലീസിൽ പരാതി നല്‍കുകയായിരുന്നുവെന്ന് പോലീസ് ഉദ്യോഗസ്ഥൻ പറഞ്ഞു. ജൂലൈ 31നാണ് യുവതിയുടെ പരാതിയിൽ പോലീസ് കേസെടുത്തത്. അതേസമയം, മന്ത്രവാദിയെ കണ്ടശേഷമാണോ കൃത്യം നടന്നതെന്ന വിവരം പരിശോധിക്കുമെന്ന് പോലീസ് വ്യക്തമാക്കി.