ഹൈലൈറ്റ്:
- നഴ്സിന് അശ്ലീല സന്ദേശമയച്ചു
- ഹെഡ് മാസ്റ്ററെ നാട്ടുകാർ തല്ലിച്ചതച്ചു
- അധ്യാപകൻ സസ്പെൻഷനിൽ
ബെംഗളൂരു: നഴ്സിന് അശ്ലീല സന്ദേശമയച്ചെന്ന് ആരോപിച്ച് പ്രൈമറി സ്കൂൾ ഹെഡ് മാസ്റ്ററെ നാട്ടുകാർ കയ്യേറ്റം ചെയ്തു. കർണാടകയിലെ ബെലഗാവി ജില്ലയിലാണ് സംഭവം. ആരോഗ്യ കേന്ദ്രത്തിലെ ജീവനക്കാരിയുടെ പരാതിയെത്തുടർന്നാണ് നാട്ടുകാർ അധ്യാപകനെ ആക്രമിച്ചത്. അധ്യാപകനെ ക്രൂരമായി മർദ്ദിച്ച സംഘം ഇയാളെ ക്ലാസ് റൂമിൽ പൂട്ടിയിടുകയും ചെയ്തെന്ന് ഇംഗ്ലീഷ് വാർത്താ ചാനലയായ ടൈംസ് നൗവാണ് റിപ്പോർട്ട് ചെയ്തത്.
സുരേഷ് ചാവലാഗി എന്ന അധ്യാപകനെയാണ് നാട്ടുകാർ മർദ്ദിച്ചത്. ഡെഗാവോ ഗ്രാമത്തിലെ സർക്കാർ പ്രൈമറി സ്കൂളിലെ പ്രധാന അധ്യാപകനാണ് ഇദ്ദേഹം. പ്രാഥമികാരോഗ്യ കേന്ദ്രത്തിലെ നഴ്സായ യുവതിയെ രണ്ടാഴ്ച മുന്നേയാണ് അധ്യാപകൻ കാണുന്നത്. തുടർന്ന് വാക്സിനേഷനുമായി ബന്ധപ്പെട്ട ആവശ്യത്തിനെന്ന പേരിൽ ഫോൺ നമ്പർ വാങ്ങുകയായിരുന്നു. എന്നാൽ പിന്നീട് ഇദ്ദേഹം ഫോണിലേക്ക് അശ്ലീല സന്ദേശങ്ങൾ അയക്കാൻ ആരംഭിച്ചെന്നാണ് ആരോപണം.
ഭര്‍ത്താവിനെക്കൊല്ലാൻ താലി പണയം വച്ച് പണം സംഘടിപ്പിച്ചു നൽകി
സംഭവം അറിഞ്ഞ നാട്ടുകാരാണ് അധ്യാപകനെ കയ്യേറ്റം ചെയ്തത്. സുരേഷിനെ ക്രൂരമായി മർദ്ദിച്ച സംഘം ക്ലാസ് റൂമിൽ പൂട്ടിയിടുകയും ചെയ്തു. അതേസമയം മറ്റ് രണ്ട് സ്ത്രീകൾ കൂടി അധ്യാപകനെതിരെ സമാനമായ ആരോപണം ഉന്നയിച്ചെന്നാണ് പോലീസ് പറയുന്നത്.
Also Read : മോശമായി പെരുമാറിയതിനു സ്കൂളിൽ നിന്ന് പുറത്താക്കി; പ്ലസു ടുക്കാരൻ അധ്യാപകനെ വെടിവെച്ചിട്ടു
പരാതികളെ തുടർന്ന് അധ്യാപകൻ നിലവിൽ സസ്പെൻഷനിലാണ്. ഇയാൾക്കെതിരെ വകുപ്പുതല അന്വേഷണവും ആരംഭിച്ചിട്ടുണ്ട്.
വെങ്കല മെഡൽ നേടിയില്ലെങ്കിലും ഇന്ത്യൻ വനിതകൾ പോരാളികളാണ്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : school headmaster assaulted, locked up in classroom for sending obscene messages to nurse in karanataka
Malayalam News from malayalam.samayam.com, TIL Network
