ക്രിസ്ത്യൻ നാടാർ സംവരണത്തിന് സ്റ്റേ; ഒബിസി പട്ടിക വിപുലീകരിക്കാൻ സർക്കാരിന് അധികാരമില്ലെന്ന് ഹൈക്കോടതി

കൊച്ചി: ക്രിസ്ത്യൻ നാടാർ വിഭാഗത്തെ ഒബിസി വിഭാഗത്തിൽ ഉൾപ്പെടുത്തിയ സംസ്ഥാന സർക്കാർ നടപടി ഹൈക്കോടതി സ്റ്റേ ചെയ്തു. ഒബിസി പട്ടിക വിപുലീകരിക്കാൻ സർക്കാരിന് അധികാരമില്ലാത്തതിനാൽ ഈ തീരുമാനം നിയമപരമായി നിലനിൽക്കില്ല. രാഷ്ട്രപതിക്കാണ് ഇക്കാര്യത്തിൽ അധികാര അവകാശമുള്ളതെന്നും ഇടക്കാല ഉത്തരവിൽ കോടതി പറഞ്ഞു.



സിപിഎം പാർട്ടി കോൺഗ്രസ് കണ്ണൂരിലോ? അന്തിമ തീരുമാനം ഉടൻ

ഒബിസി പട്ടിക വിപുലീകരിക്കുന്നതിൽ രാഷ്ട്രപതിയുടേതല്ലാത്ത എല്ലാ നടപടികളും ഭരണഘടന വിരുദ്ധമാണ്. മറാത്ത കേസിൽ സുപ്രീം കോടതി പുറപ്പെടുവിച്ച വിധിന്യായത്തിന് വിരുദ്ധമാണ് സംസ്ഥാന സർക്കാരിൻ്റെ നടപടിയെന്നും കോടതി പറഞ്ഞു. വരും ദിവസങ്ങളിൽ ഹർജികളിൽ വിശദമായ വാദം കേൾക്കും.

കഴിഞ്ഞ നിയമസഭാ തെരഞ്ഞെടുപ്പിന് മുൻപാണ് ക്രിസ്ത്യൻ നാടാർ വിഭാഗങ്ങളെ ഒബിസി വിഭാഗത്തിൽ ഉൾപ്പെടുത്തിയുള്ള ഉത്തരവ് സർക്കാർ പുറത്തിറക്കിയത്. സർക്കാരിൻ്റെ ഈ നടപടിയെ ചോദ്യം ചെയ്തുള്ള ഹർജികളിലാണ് കോടതിയുടെ സ്റ്റേ ഉണ്ടായത്. ഹർജികളിൽ വിശദമായ വാദം കേൾക്കുമെന്നും കോടതി വ്യക്തമാക്കി.

ഇനി ശനിയാഴ്ചയും മദ്യശാലകൾ തുറക്കും; പുതിയ സമയക്രമം ഇങ്ങനെ

നിയമസഭാ തെരഞ്ഞെടുപ്പിന് മുന്നോടിയായി ക്രിസ്ത്യൻ നാടാർ വിഭാഗത്തെ ഒബിസി വിഭാഗത്തിൽ ഉൾപ്പെടുത്തിയ സംസ്ഥാന സർക്കാർ തീരുമാനം വിവാദങ്ങൾക്ക് കാരണമായിരുന്നു. തെരഞ്ഞെടുപ്പ് ലക്ഷ്യമാക്കിയാണ് സർക്കാരിൻ്റെ നീക്കമെന്ന ആരോപണം ശക്തമായിരുന്നു. വിവാദങ്ങൾ തുടരുമ്പോഴും ക്രിസ്ത്യൻ നാടാർ വിഭാഗത്തെ ഒബിസി വിഭാഗത്തിൽ ഉൾപ്പെടുത്തിയ സർക്കാർ നടപടി എൽഡിഎഫിന് നേട്ടമായെന്നാണ് വിലയിരുത്തൽ.