ഇന്ത്യ-ചൈന അതിര്‍ത്തി തര്‍ക്കം; ഗോഗ്രയിൽ നിന്നും ഇരുരാജ്യങ്ങളും സൈന്യത്തെ പൂര്‍ണമായും പിന്‍വലിച്ചു

പോയിന്റ് 17എ (പിപി-17എ) യിലെ താത്കാലിക സംവിധാനങ്ങളും നിര്‍മാണങ്ങളും ഇരുവിഭാഗങ്ങളും പൊളിച്ചുമാറ്റി. ഇക്കാര്യം പരിശോധിച്ചുറപ്പുവരുത്തുകയും ചെയ്തു. 500 മീറ്റര്‍ വിത്യാസത്തിലാണ് ഇവിടെ ഇരു സൈന്യങ്ങളും നിലയുറപ്പിച്ചിരുന്നത്. അതേസമയം, പിൻവാങ്ങൽ കരാര്‍ പ്രകാരം ഗോഗ്രയിലെ യഥാര്‍ഥനിയന്ത്രണ രേഖ ഇരുവിഭാഗങ്ങളും കര്‍ശനമായി നിരീക്ഷിക്കും.

കരാർ അനുസരിച്ച് ഈ മേഖലയിലെ കർശനമായി നിരീക്ഷിക്കുകയും ഇരുവശവും ബഹുമാനിക്കുകയും ചെയ്യും. കൂടാതെ, നിലവിലെ അവസ്ഥയിൽ ഏകപക്ഷീയമായ മാറ്റമില്ലെന്നും ഉറപ്പ് നൽകുന്നു. പ്രശ്നത്തിന് അന്തിമ പരിഹാരമാകും വരെ ഇരു രാജ്യങ്ങള്‍ക്കും പട്രോളിങ് നടത്താൻ അധികാരമില്ലാത്തവിധം ഇവിടം ബഫര്‍ സോണായി തുടരും.

Also Read : ലക്ഷ്യം ഐഎസിന്റെ ഇന്ത്യൻ ഘടകം രൂപീകരിക്കാൻ; റിക്രൂട്ട് ചെയ്യാൻ കേരളത്തിലടക്കം പലവട്ടമെത്തി; നേതൃത്വം മലയാളി

ഗോഗ്ര പ്രവശ്യയിൽ സൈന്യത്തെ പിൻവലിക്കുന്നതിലൂടെ സംഘര്‍ഷം നിലനിന്നിരുന്ന ആറിൽ നാലിടങ്ങളിലും ഇതോടെ സേനാപിന്മാറ്റമായി. അവശേഷിക്കുന്ന ഡെസ്പാങ്ങിലും ഹോട് സ്പ്രിങ്ങ്സിലുമാണ് സൈന്യമുള്ളത്. ഗാൽവൻ താഴ്വര, പാംഗോങ് തടാകത്തിന്റെ വടക്കൻ തീരം, തെക്കൻ തീരം എന്നിങ്ങനെയാണ് സൈനിക പിന്മാറ്റമുണ്ടായത്.