എടിഎം മോഷണശ്രമത്തിനിടെ പോലീസ് വന്നു; എടിഎം മെഷിൻ പൊളിച്ച് അകത്ത് കയറി ഒളിച്ച കള്ളൻ പിടിയിൽ

സംഭവം ഇങ്ങനെ, നാമക്കല്ലിനടുത്തുള്ള അനിയാപുരത്തുള്ള ഇന്ത്യ നമ്പർ വൺ എടിഎമ്മിലാണ് മോഷണശ്രമമുണ്ടായത്. അര്‍ദ്ധരാത്രിയിൽ ഈ വഴിയിൽ പരിശോധന നടത്തിയിരുന്ന മോഹനൂര്‍ പോലീസ്എടിഎമ്മിൽ നിന്നും അസാധാരണമായ ശബ്ദം കേട്ട് സംശയം തോന്നി എടിഎം സെന്ററിൽ കയറി പരിശോധിച്ചു. എന്നാൽ, പോലീസിന് ഒന്നും കണ്ടെത്താൻ സാധിച്ചിരുന്നില്ല.

അതേസമയം, എടിഎം മെഷിന്റെ മുകളിലായി സ്ഥാപിച്ച ഷീറ്റ് ഒരൽപ്പം മാറിക്കിടക്കുന്നത് പോലീസിന്റെ ശ്രദ്ധയിൽ പെട്ടു. തുടര്‍ന്ന് അത് മാറ്റി പരിശോധിച്ചത്. ഈ സമയത്ത് മെഷിന്റെ ഉള്ളിൽ ചുരണ്ട് കൂടി ഇരിക്കുന്ന നിലയിലായിരുന്നു യുവാവ് ഉണ്ടായിരുന്നത്. പിന്നീട്, വളരെ പണിപ്പെട്ടാണ് ഇയാളെ പുറത്തെത്തിച്ചത്.

തുടര്‍ന്ന് അറസ്റ്റ് ചെയ്ത് ചോദ്യം ചെയ്തപ്പോഴാണ് കവര്‍ച്ചയ്ക്കായി എത്തിയതാണെന്നും മോഷണ ശ്രമത്തിനിടെ പോലീസിനെ കണ്ട് ഇയാൾ മെഷിന്റെ അകത്ത് കയറി ഒളിക്കുകയായിരുന്നുവെന്നും വ്യക്തമാക്കിയത്. എടിഎമ്മിന്റെ മുൻഭാഗം തുറക്കുകയെന്നത് കടുപ്പമേറിയ ജോലിയാണ്. അതാണ് പിന്‍ഭാഗം തുറക്കാൻ ശ്രമിച്ചത്.

Also Read : രാജ്യത്ത് 24 മണിക്കൂറിനുള്ളിൽ 38,000 കേസുകള്‍; 50 കോടിയിലധികം വാക്സിനുകള്‍



പോലീസ് എത്തുമ്പോള്‍ പണം കണ്ടെത്തി അത് അടുക്കി വയ്ക്കുകയായിരുന്നു. പോലീസിന്റെ ഏകോപിത പ്രവർത്തനമായി 2.65 ലക്ഷം രൂപ എടിഎം മെഷീനിൽ നിന്ന് കണ്ടെത്തി.