ആലപ്പുഴ സ്വദേശിയായ 41കാരന്‍ റിജാസ് മുഹമ്മദ് കുഞ്ഞിക്കാണ് 1.21 കോടി രൂപ നഷ്ടപരിഹാരം ലഭിച്ചത്. ദുബായ് കോടതിയുടേതാണ് വിധി. അല്‍ ഐനിൽ ജോലി ചെയ്യവേയായിരുന്നു അപകടം
പ്രതീകാത്മക ചിത്രം. PHOTO: TNN
ഹൈലൈറ്റ്:
- മലയാളി പ്രവാസിക്ക് 1.21 കോടി രൂപ നഷ്ടപരിഹാരം
- അപകടം നടന്നത് 2020 ജനുവരി 12ന്
- പണം കിട്ടിയാൽ നാട്ടിലേക്ക് മടങ്ങുമെന്ന് യുവാവ്
ദുബായ്: വാഹനാപകടത്തില്‍ പരിക്കേറ്റ മലയാളി പ്രവാസിക്ക് ഒരു കോടി 21 ലക്ഷം രൂപ (ആറു ലക്ഷം ദിര്‍ഹം) നഷ്ടപരിഹാരം നല്‍കാന്‍ വിധി. ദുബായ് കോടതിയാണ് വിധി പുറപ്പെടുവിച്ചത്. ഒരുവര്‍ഷം നീണ്ട നിയമ നടപടികള്‍ക്കൊടുവിലാണ് ആലപ്പുഴ സ്വദേശിയായ 41കാരന്‍ റിജാസ് മുഹമ്മദ് കുഞ്ഞിക്ക് ദുബായ് കോടതിയിൽ നിന്ന് അനുകൂല വിധിയുണ്ടായത്.
അല്‍ ഐനിലെ ഒരു സ്വദേശി കുടുംബത്തിന്‍റെ ഹൗസ് ഡ്രൈവറായി ജോലി ചെയ്തുവരികയായിരുന്നു റിജാസ്. 2020 ജനുവരി 12ന് അല്‍ഐന്‍- അബൂദാബി റോഡിലായിരുന്നു അപകടം. സ്‌പോണ്‍സറെയും കൊണ്ടുള്ള യാത്രാ മധ്യേ റിജാസ് ഓടിച്ച വാഹനം മറ്റൊരു വാഹനവുമായി ചെറിയ രീതിയില്‍ അപകടത്തില്‍ പെടുകയായിരുന്നു. ഉടനെ പോലിസിനെ വിളിക്കുകയും പ്രശ്‌നം പറഞ്ഞ് അവസാനിപ്പിക്കുകയും ചെയ്തു.
ഇന്ത്യയില്‍ നിന്ന് എയര്‍ ഇന്ത്യ, ഇത്തിഹാദ്, ഫ്‌ളൈ ദുബായ് സര്‍വീസുകള്‍ ഇന്ന് മുതല്‍
സ്വദേശിയെ മറ്റൊരു വാഹനത്തില്‍ കയറ്റിവിട്ട ശേഷം തന്‍റെ കാര്‍ എടുക്കാന്‍ വേണ്ടി വാഹനത്തില്‍ കയറിയ ഉടനെ ഒരു ഫോര്‍ വീര്‍ ഡ്രൈവ് വാഹനം നേരെ വന്ന് കാറിന് ഇടിക്കുകയായിരുന്നുവെന്ന് റിജാസ് പറഞ്ഞു. ഗുരുതരമായ പരിക്കേറ്റ റിജാസിനെ ആശുപത്രിയില്‍ പ്രവേശിപ്പിക്കുകയായിരുന്നു. നട്ടെല്ലിന് സാരമായ പൊട്ടല്‍ സംഭവിച്ചതിനെ തുടര്‍ന്ന് പകരം ടൈറ്റാനിയം പ്ലേറ്റുകളുമായാണ് ഇപ്പോള്‍ കഴിയുന്നത്. താന്‍ മരണത്തില്‍ നിന്ന് രക്ഷപ്പെട്ടത് അത്ഭുതമാണെന്നാണ് റിജാസ് പറയുന്നത്.
ചികില്‍സയ്ക്കു ശേഷം നേരത്തേ ഉണ്ടായിരുന്ന ജോലി തുടരാന്‍ സ്‌പോണ്‍സര്‍ അനുവദിച്ചുവെങ്കിലും ദീര്‍ഘ നേരം വാഹനമോടിക്കാന്‍ ഇപ്പോള്‍ റിജാസിന് കഴിയാറില്ല. കുറച്ച് അധിക നേരം ഇരുന്നാല്‍ നട്ടെല്ലില്‍ വേദന തുടങ്ങും. തന്നെ ജോലിയില്‍ തുടരാന്‍ അനുവദിക്കുന്നത് സ്‌പോണ്‍സറുടെ മഹാമനസ്‌കത കൊണ്ടാണെന്നും റിജാസ് പറഞ്ഞു.
ഷാര്‍ജ: മൂന്ന് പെണ്‍കുട്ടികളുടെ അമ്മയായ പ്രവാസിക്ക് ഒറ്റ പ്രസവത്തില്‍ നാല് ആണ്‍ തരികള്‍
ഭാര്യയും 12ഉം ഒന്‍പതും വയസ്സുള്ള മക്കള്‍ അടങ്ങുന്ന കുടുംബത്തിന്‍റെ ഏക ആശ്രയമായ ഇദ്ദേഹത്തിന് ജോലിയല്ലാതെ മറ്റ് വരുമാന മാര്‍ഗങ്ങളൊന്നുമില്ല. റിജാസിന് അര്‍ഹമായ നഷ്ടപരിഹാരം ലഭിക്കുന്നതിനായി അല്‍ ഐനില്‍ തന്നെ ജോലി ചെയ്യുന്ന അദ്ദേഹത്തിന്‍റെ ബന്ധുക്കള്‍ സാമൂഹിക പ്രവര്‍ത്തകന്‍ സലാം പാപ്പിനിശേരിയുടെ സഹായത്തോടെയാണ് നിയമപോരാട്ടം നടത്തിയത്.
എതിര്‍ ദിശയില്‍ വന്ന വാഹനത്തിന്‍റെ ഡ്രൈവറുടെ അശ്രദ്ധ മൂലമാണ് അപകടമുണ്ടായതെന്ന് കോടതിക്ക് ബോധ്യപ്പെട്ടതിനെ തുടര്‍ന്നാണ് റിജാസിന് അനുകൂലമായ വിധിയുണ്ടായത്. വാഹനം ഓടിച്ചയാള്‍ക്ക് ട്രാഫിക് ക്രിമിനല്‍ കോടതി 5,000 ദിര്‍ഹം പിഴ വിധിക്കുകയും ചെയ്തു. നഷ്ടപരിഹാരത്തുക ലഭിച്ചാല്‍ നാട്ടിലേക്ക് പോയി കുടുംബത്തോടൊപ്പം ജീവിക്കാനാണ് റിജാസ് ആഗ്രഹിക്കുന്നത്. കിഡ്‌നി രോഗി കൂടിയായ റിജാസിന് നാട്ടിലെത്തി തുടര്‍ ചികില്‍സകള്‍ നടത്തേണ്ടതുണ്ട്. വീട്ടിനടുത്ത് ഒരു ചെറിയ കട തുടങ്ങി നാട്ടില്‍ തന്നെ ഒരു ജീവിതം കരുപ്പിടിക്കാനുള്ള ശ്രമത്തിലാണ് അദ്ദേഹമിപ്പോള്‍.
ആ വാക്ക് മന്ത്രി പാലിച്ചു; നന്ദി പറഞ്ഞ് വിസ്മയയുടെ അച്ഛൻ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : kerala man gets 1 21 crore compensation for accident in dubai
Malayalam News from malayalam.samayam.com, TIL Network
