ഇന്ത്യ, ബംഗ്ലാദേശ്, പാകിസ്താന്‍, ശ്രീലങ്ക, നേപ്പാള്‍, ഇറാന്‍, ഇന്തോനീഷ്യ, ഫിലിപ്പീന്‍സ്, മലേഷ്യ തുടങ്ങി 25 രാജ്യങ്ങളെയാണ് കൊവിഡ് വ്യാപനം രൂക്ഷമായതിനെ തുടര്‍ന്ന് റെഡ് ലിസ്റ്റ് രാജ്യങ്ങളില്‍ ഉള്‍പ്പെടുത്തിയിരിക്കുന്നത്
പ്രതീകാത്മക ചിത്രം. PHOTO: ThinkStock Photos
ഹൈലൈറ്റ്:
- താമസ വിസയുള്ളവർക്ക് ബഹ്‌റൈനിലേക്ക് യാത്രാ അനുമതി
- മൂന്ന് രാജ്യങ്ങളെ കൂടി റെഡ് ലിസ്റ്റില്‍ ഉള്‍പ്പെടുത്തി
- പുതിയ പട്ടിക നിലവില്‍ വരിക ആഗസ്ത് 12 മുതൽ
കൊവിഡ് പ്രതിരോധത്തിനായുള്ള നാഷണല്‍ മെഡിക്കല്‍ ടാസ്‌ക് ഫോഴ്‌സിന്‍റെ നിര്‍ദേശപ്രകാരം മൂന്ന് രാജ്യങ്ങളെ കൂടി റെഡ് ലിസ്റ്റില്‍ ഉള്‍പ്പെടുത്തിയതായും ഗവണ്‍മെന്‍റ് എക്‌സിക്യൂട്ടീവ് കമ്മിറ്റി വ്യക്തമാക്കി. ജോര്‍ജിയ, ഉക്രെയിന്‍, മലാവി എന്നീ രാജ്യങ്ങളെയാണ് പുതുതായി യാത്രാനിരോധനമുള്ള പട്ടികയില്‍ ഉള്‍പ്പെടുത്തിയത്. ആഗസ്ത് 12 മുതലാണ് പുതിയ പട്ടിക നിലവില്‍ വരിക.
ബഹ്റൈനില് സിനിമാശാലകൾക്ക് 30 ശതമാനം ശേഷിയിൽ പ്രവർത്തിക്കാന്‍ അനുമതി
നിലവില്‍ ഇന്ത്യ, ബംഗ്ലാദേശ്, പാകിസ്താന്‍, ശ്രീലങ്ക, നേപ്പാള്‍, ഇറാന്‍, ഇന്തോനീഷ്യ, ഫിലിപ്പീന്‍സ്, മലേഷ്യ തുടങ്ങി 25 രാജ്യങ്ങളെയാണ് കൊവിഡ് വ്യാപനം രൂക്ഷമായതിനെ തുടര്‍ന്ന് റെഡ് ലിസ്റ്റ് രാജ്യങ്ങളില്‍ ഉള്‍പ്പെടുത്തിയിരിക്കുന്നത്. ഈ രാജ്യങ്ങളില്‍ നിന്നുള്ളവര്‍ക്കും 14 ദിവസത്തിനകം ഈ രാജ്യങ്ങള്‍ സന്ദര്‍ശിച്ചവര്‍ക്കും ബഹ്‌റൈന്‍ യാത്രാ വിലക്ക് ഏര്‍പ്പെടുത്തിയിട്ടുണ്ട്. എന്നാല്‍ സ്വദേശികള്‍ക്കും റെസിഡന്‍സ് വിസയുള്ള പ്രവാസികള്‍ക്കും ഇതില്‍ നിന്ന് ഇളവ് പ്രഖ്യാപിച്ചതായി ബഹ്‌റൈന്‍ വാര്‍ത്താ ഏജന്‍സി അറിയിച്ചു.
ഇവര്‍ ക്യുആര്‍ കോഡ് സഹിതമുള്ളതും യാത്രയുടെ 48 മണിക്കൂറിനുള്ളില്‍ എടുത്തതുമായ പിസിആര്‍ ടെസ്റ്റ് നെഗറ്റീവ് സര്‍ട്ടിഫിക്കറ്റ് കൈയില്‍ കരുതണം. 10 ദിവസത്തെ ക്വാറന്‍റൈനും ഇവര്‍ക്ക് നിര്‍ബന്ധമാണ്. ബഹ്റൈനില് എത്തിയ ഉടമെയും പത്താം ദിവസവും വീണ്ടും ടെസ്റ്റ് നടത്തണം. ടെസ്റ്റിനുള്ള ഫീസ് വിമാനത്താവളത്തില്‍ നേരിട്ടോ ബിഎവയര്‍ ബഹ്‌റൈന്‍ എന്ന ആപ്പിലോ അടക്കാം.
വാക്സിൻ സ്വീകരിച്ചവർക്കും രോഗമുക്തി നേടിയവർക്കും ബഹ്റൈൻ വിമാനത്താവളത്തിൽ പ്രവേശിക്കാം
ബഹ്റൈനില് സ്വന്തം പേരിലോ അടുത്ത ബന്ധുക്കളുടെ പേരിലോ താമസ സൗകര്യം ഉള്ളവര്‍ക്ക് 10 ദിവസത്തെ ഹോം ക്വാറന്‍റൈന്‍ മതിയാവും. എന്നാല്‍ സ്വന്തമായി താമസ സൗകര്യമില്ലാത്തവര്‍ക്കായി നാഷണല്‍ ഹെല്‍ത്ത് റെഗുലേറ്ററി അതോറിറ്റിയുടെ ലൈസന്‍സുള്ള ക്വാറന്‍റൈന്‍ കേന്ദ്രങ്ങള്‍ ഒരുക്കിയിട്ടുണ്ടെന്നും അധികൃതര്‍ അറിയിച്ചു. ആറു വയസ്സിന് താഴെ പ്രായമുള്ളവര്‍ക്ക് നിബന്ധനകളൊന്നും ബാധകമല്ലെന്നും അധികൃതര്‍ വ്യക്തമാക്കി.
ആ വാക്ക് മന്ത്രി പാലിച്ചു; നന്ദി പറഞ്ഞ് വിസ്മയയുടെ അച്ഛൻ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : bahrain lets indians holding resident visa to travel from red list
Malayalam News from malayalam.samayam.com, TIL Network
