ഈ നമ്പര്‍ മറക്കരുത്; ഇത്രയും ചെയ്താൽ വാക്സിൻ സർട്ടിഫിക്കറ്റ് വാട്ട്സാപ്പിലെത്തും

ന്യൂഡൽഹി: കൊവിഡ്-19 പ്രതിരോധ വക്സിൻ എടുത്തവർക്ക് വാട്ട്സാപ്പിലൂടെ വാക്സിൻ സ്വീകരിച്ച സർട്ടിഫിക്കറ്റ് ഡൗൺലോഡ് ചെയ്യാം. കേന്ദ്ര ഐടി മന്ത്രാലയത്തിൻ്റെ കീഴിലുള്ള ”My Gov Corona help desk ” സംവിധാനത്തിലൂടെയാണ് സർട്ടിഫിക്കറ്റ് ലഭ്യമാകുക.



സര്‍ക്കാര്‍ പറഞ്ഞു റോഡ് നിര്‍മ്മിക്കാനാകില്ല; സ്വയം റോഡ് പണിത് സഹോദരങ്ങള്‍

വാക്സിൻ സ്വീകരിക്കുന്നതിനായി കോവിൻ വെബ്സൈറ്റിൽ രജിസ്റ്റർ ചെയത് ഫോൺ നമ്പറിലാണ് ഈ സേവനം ലഭ്യമാകുക. സർട്ടിഫിക്കറ്റ് നേടാൻ ചെയ്യേണ്ടത് ഇങ്ങനെ.

* 9013151515 എന്ന നമ്പര്‍ സേവ് ചെയ്യുക.

* വാട്ട്സാപ്പിൽ ഇന്നും ഈ നമ്പറിലേക്ക് download certificate എന്ന മെസേജ് അയക്കുക.

* ഫോണിൽ ലഭിക്കുന്ന ഓടിപി നമ്പർ വാട്ട്സാപ്പ് മെസേജായി നൽകുക.

* കോവിനിൽ രജിസ്റ്റർ ചെയ്ത വിവരങ്ങൾ മറുപടിയായി ലഭിക്കും.

* നിങ്ങളുടെ പേരിന് നേരെയുള്ള നമ്പർ ടൈപ്പ് ചെയ്താൽ സർട്ടിഫിക്കറ്റ് പിഡിഎഫ് രൂപത്തിൽ ലഭിക്കും.

* Menu എന്ന് ടൈപ്പ് ചെയ്തയച്ചാൽ കൂടുതൽ സേവനങ്ങളും ലഭിക്കുന്നതാണ്.

വാക്സിൻ സ്വീകരിച്ച സർട്ടിഫിക്കറ്റ് കൂടുതൽ ആവശ്യങ്ങൾക്ക് ഉപയോഗിക്കേണ്ട സാഹചര്യമാണ് നിലവിലുള്ളത്. കേരളമടക്കമുള്ള സംസ്ഥാനങ്ങൾ വാക്സിൻ സ്വീകരിച്ച സർട്ടിഫിക്കറ്റ് യാത്ര ചെയ്യുന്നതിനടക്കം ആവശ്യപ്പെടുന്നുണ്ട്. ഈ സാഹചര്യത്തിലാണ് സർട്ടിഫിക്കറ്റ് എളുപ്പത്തിൽ ലഭ്യമാകുന്ന സംവിധാനം കേന്ദ്രം അവതരിപ്പിച്ചത്.

ഇന്ത്യ-ചൈന അതിര്‍ത്തി തര്‍ക്കം; ഗോഗ്രയിൽ നിന്നും ഇരുരാജ്യങ്ങളും സൈന്യത്തെ പൂര്‍ണമായും പിന്‍വലിച്ചു

അതേസമയം, രാജ്യത്തെ കൊവിഡ് വാക്സിനേഷൻ 50 കോടി കടന്നെന്ന് കേന്ദ്ര സർക്കാർ വെള്ളിയാഴ്ച വ്യക്തമാക്കിയിരുന്നു. കൊവിഡിനെതിരായ പോരാട്ടത്തിൽ ഇത് ചരിത്ര നേട്ടമാണെന്നും കേന്ദ്ര ആരോഗ്യ മന്ത്രി മൻസുഖ് മാണ്ഡവ്യ ട്വിറ്ററിലൂടെ അറിയിച്ചു. ഈ സാഹചര്യത്തിൽ ആരോഗ്യ പ്രവർത്തകരോട് നന്ദി പറയുന്നു. എല്ലാവർക്കും അഭിനന്ദനങ്ങളെന്നും മന്ത്രി പറഞ്ഞു.