തിരുവനന്തപുരം: പട്ടാപ്പകല്‍ തുണിക്കടയില്‍ മോഷണം. തിരുവനന്തപുരം പോത്തന്‍കോടാണ് മോഷണം നടന്നത്. മോഷ്ടാക്കള്‍ സിസിടിവി യില്‍ കുടുങ്ങി
ഇന്നലെ ഉച്ചയ്ക്കാണ് പോത്തന്‍കോട് വെഞ്ഞാറമൂട് റോഡിലെ തുണിക്കടയില്‍ ബൈക്കിലെത്തിയ രണ്ടു പേര്‍ മോഷണം നടത്തിയത്. ഹെല്‍മറ്റ് ധരിച്ച് കടയിലെത്തിയ ഇവര്‍ സെയില്‍സ്മാനെ കബളിപ്പിച്ച് നിരവധി വാച്ചുകളും കണ്ണടകളും, ഷര്‍ട്ടുകളും കവര്‍ന്നു. ഇവര്‍ കടയിലേക്ക് കയറുമ്പോള്‍ തന്നെ വാച്ചുകള്‍ എടുക്കുന്നത് സിസിടിവി യില്‍ കാണാം. ഷര്‍ട്ടുകള്‍ നോക്കാന്‍ ഒരാള്‍ നില്‍ക്കുമ്പോള്‍ രണ്ടാമനാണ് മോഷണം നടത്തിയത്.
രാത്രി സ്റ്റോക്ക് പരിശോധിച്ചപ്പോഴാണ് കടയുടമയ്ക്ക് മോഷണം നടന്നതായി മനസ്സിലായത്. തുടര്‍ന്ന് സി സി ടി.വി പരിശോധിക്കുകയായിരുന്നു. ഇതില്‍ ഒരാളുടെ മുഖം വ്യക്തമാണ്. പോത്തന്‍കോട് പോലീസില്‍ പരാതി നല്‍കിയിരിക്കുകയാണ് വ്യാപാരി.
ലോക്ക് ഡൗണ്‍ പ്രതിസന്ധിക്കിടെ മോഷണവും താങ്ങാന്‍ കഴിയില്ലെന്ന് കടയുടമ പറയുന്നു.
Content Highlights:watches, shirts stolen from a textile shop in Thiruvananthapuram
