മദ്യപാനിയായ അച്ഛൻ തന്നെ പീഡിപ്പിക്കാൻ ശ്രമിച്ചെന്നും സംഭവം പുറത്തു പറഞ്ഞാൽ കഴുത്തറുത്ത് കൊല്ലുമെന്ന് ഭീഷണിപ്പെടുത്തിയെന്നുമാണ് പെൺകുട്ടി പോലീസിൽ നല്‍കിയ പരാതിയിൽ പറയുന്നത്.
പ്രതീകാത്മക ചിത്രം Photo: The Times of India/File
ഹൈലൈറ്റ്:
- പ്രതി 42കാരനായ യുവാവ്
- ഇയാള്‍ ലഹരിയ്ക്ക് അടിമയെന്ന് റിപ്പോര്‍ട്ട്
- സംഭവം ലുധിയാനയിൽ
പഞ്ചാബിലെ ലുധിയാനയിലാണ് സംഭവം നടന്നത്. ലഹരിയ്ക്ക് അടിമയായ അച്ഛൻ തന്നെ പീഡിപ്പിക്കാൻ ശ്രമിച്ചെന്ന് കാണിച്ച് പെൺകുട്ടിയാണ് പോലീസിൽ പരാതി നല്‍കിയത്. മദ്യപാനിയായ അച്ഛൻ തന്നെ പീഡിപ്പിക്കാൻ ശ്രമിച്ചെന്നും വിവരം പുറത്തു പറഞ്ഞാൽ കഴുത്തറുത്ത് കൊല്ലുമെന്നായിരുന്നു ഇയാളുടെ ഭീഷണി. എന്നാൽ ധൈര്യം വീണ്ടെടുത്ത കുട്ടി വിവരം അമ്മയെ അറിയിക്കുകയായിരുന്നു. തുടര്‍ന്ന് ഇരുവരും ചേര്‍ന്ന് പോലീസിൽ പരാതിയുമായി എത്തി.
Also Read: കെ സുരേന്ദ്രനെതിരെ വിമർശനം; ആറ് പേരെ ബിജെപിയിൽ നിന്നും പുറത്താക്കി
പ്രതിയായ യുവാവ് ഒൻപതു മാസം മുൻപാണ് ദുബായിൽ നിന്ന് തിരിച്ചെത്തിയത്. അപകടത്തിൽ ഒരു കാൽ മുറിച്ചു നീക്കേണ്ടി വന്നതിനാൽ ഇദ്ദേഹത്തിന് ജോലി ചെയ്യാൻ സാധിക്കില്ലായിരുന്നു. തുടര്‍ന്ന് കുട്ടികളുടെ അമ്മയായിരുന്നു കുടുംബത്തിനു വേണ്ടി വരുമാനം നേടിയിരുന്നത്. തുടര്‍ന്ന് ജൂലൈ 12നായിരുന്നു കേസിന് ആസ്പദമായ സംഭവം നടന്നത്.
ഇരയായ പെൺകുട്ടി ഉള്‍പ്പെടെ മൂന്ന് മക്കളാണ് ദമ്പതികള്‍ക്ക് ഉള്ളത്. സംഭവദിവസം ഇളയ സഹോദരങ്ങള്‍ക്കൊപ്പം മുറിയിലിരുന്ന് പഠിക്കുകയായിരുന്നു ഇരയായ പെൺകുട്ടി. ഈ സമയത്ത് കുട്ടികളുടെ അമ്മ അടുക്കളയിൽ ജോലിത്തിരക്കിലായിരുന്നു. ഈ സമയത്ത് വീട്ടിലെ പശുവിൻ്റെ കണ്ണിലെ പരിക്ക് നോക്കണമെന്നു പറഞ്ഞ് അച്ഛൻ കുട്ടിയെ വിളിക്കുകയായിരുന്നു. ഇതിനു ശേഷം പശുവിന് വൈക്കോൽ എടുത്തു കൊടുക്കാനായി വൈക്കോൽ ഇരിക്കുന്ന മുറിയിലേയ്ക്കും വിട്ടെന്ന് ടൈംസ് ഓഫ് ഇന്ത്യ റിപ്പോര്‍ട്ടിൽ പറയുന്നു.
എന്നാൽ വൈക്കോൽ എടുക്കുന്നതിനിടെ അച്ഛൻ തന്നെ പിന്നിൽ നിന്ന് കടന്നുപിടിക്കുകയായിരുന്നുവെന്നാണ് കുട്ടി പറയുന്നത്. അച്ഛൻ ലൈംഗികാതിക്രമത്തിനും മുതിര്‍ന്നു. എന്നാൽ കുട്ടി ബലം പ്രയോഗിച്ച് രക്ഷപെടുകയായിരുന്നു. വൈക്കോൽ സൂക്ഷിക്കുന്ന മുറിയിൽ നിന്ന് പുറത്തു വന്ന ഉടൻ തന്നെ വിവരം ആരോടും പറയരുതെന്നും പറഞ്ഞാൽ കഴുത്തറുത്ത് കൊല്ലുമെന്നും ഇയാള്‍ കുട്ടിയെ ഭീഷണിപ്പെടുത്തിയെന്നാണ് പോലീസ് പറയുന്നത്. പേടിച്ച കുട്ടി വിവരം മൂടിവെക്കുകയായിരുന്നു.
എന്നാൽ സംഭവം കഴിഞ്ഞ് എല്ലാ ദിവസവും ഇയാള്‍ കുട്ടിയെ വഴക്കുപറയുമായിരുന്നുവെന്നാണ് റിപ്പോര്‍ട്ടിൽ പറയുന്നത്. നാലഞ്ചു ദിവസത്തിനു ശേഷം കുട്ടി സംഭവം അമ്മയോടു തുറന്നു പറയുകയായിരുന്നു. തുടര്‍ന്ന് അമ്മയുടെ സഹായത്തോടെ കുട്ടി പോലീസിൽ പരാതിയും നല്‍കി. കുട്ടിയുടെ പരാതിയിൽ കേസെടുത്ത പോലീസ് വെള്ളിയാഴ്ച പ്രതിയെ അറസ്റ്റ് ചെയ്യുകയും ചെയ്തു.
ആ വാക്ക് മന്ത്രി പാലിച്ചു; നന്ദി പറഞ്ഞ് വിസ്മയയുടെ അച്ഛൻ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : police arrest ludhiana man attempted to molest minor girl and threatened to kill her
Malayalam News from malayalam.samayam.com, TIL Network
