ഹൈലൈറ്റ്:
- 12 വയസ്സിന് മുകലളില്‍ പ്രായമുള്ളവരില്‍ 85 ശതമാനത്തിലേറെ പേര്‍ക്കും ഇതിനകം ആദ്യ ഡോസെങ്കിലും ലഭിച്ചു കഴിഞ്ഞു.
- അധ്യാപക അനധ്യാപകര്‍ ഉള്‍പ്പെടെ സ്‌കൂളുകളിലെ മറ്റ് ജീവനക്കാര്‍ക്കൊക്കെ ഇതിനകം വാക്‌സിനേഷന്‍ പൂര്‍ത്തിയാക്കിയിട്ടുണ്ട്.
ദോഹ: ഖത്തറില്‍ പുതിയ അധ്യയന വര്‍ഷത്തില്‍ സ്‌കൂളുകള്‍ തുറക്കുന്നതിന് മുന്നോടിയായി വിദ്യാര്‍ഥികള്‍ക്ക് കൊവിഡ് വാക്‌സിന്‍ നല്‍കാന്‍ രക്ഷിതാക്കള്‍ ശ്രദ്ധിക്കണമെന്ന് ആരോഗ്യ മന്ത്രാലയം ആവശ്യപ്പെട്ടു. സ്‌കൂളുകളില്‍ സുരക്ഷിതമായ പഠന സാഹചര്യം ഒരുക്കാന്‍ എല്ലാവരും സഹകരിക്കണമെന്നും ആരോഗ്യ മന്ത്രാലയം വാക്‌സിനേഷന്‍ വിഭാഗം മേധാവി ഡോ. സോഹ അല്‍ ബയാത്ത് വീഡിയോ സന്ദേശത്തിലൂടെ അറിയിച്ചു.
ഖത്തറില്‍ ഈ മാസം പുതിയ അധ്യയന വര്‍ഷം ആരംഭിക്കുന്നതിന് മുമ്പായി 12 വയസ്സ് മുതല്‍ പ്രായമുള്ള യോഗ്യരായ കുട്ടികള്‍ക്ക് വാക്‌സിനേഷന്‍ ഉറപ്പുവരുത്തണമെന്ന് സോഷ്യല്‍ മീഡിയ വഴി പുറത്തുവിട്ട വീഡിയോ സന്ദേശത്തില്‍ അവര്‍ വ്യക്തമാക്കി. സ്‌കൂളുകളില്‍ സുരക്ഷിതമായ പഠന സാഹചര്യം ഒരുക്കാന്‍ കുട്ടികളുടെ വാക്‌സിനേഷന്‍ മൂലം സാധിക്കും. അധ്യാപക അനധ്യാപകര്‍ ഉള്‍പ്പെടെ സ്‌കൂളുകളിലെ മറ്റ് ജീവനക്കാര്‍ക്കൊക്കെ ഇതിനകം വാക്‌സിനേഷന്‍ പൂര്‍ത്തിയാക്കിയിട്ടുണ്ട്.
Also Read: 
101 മണിക്കൂര്‍ ഖത്തര്‍ കോര്‍ണിഷ് റോഡ് അടച്ചിടും; നാല് അടിപ്പാതകള്‍ നിര്‍മിക്കാന്‍
കൗമാരക്കാരില്‍ കൊവിഡ് രോഗബാധ ഗുരുതരമായ ആരോഗ്യ പ്രശ്‌നങ്ങളോ ലക്ഷണങ്ങളോ ഉണ്ടാക്കുന്നില്ലെങ്കിലും അണുബാധ ദീര്‍ഘകാലം നിലനില്‍ക്കുന്നതായാണ് കാണപ്പെടുന്നതെന്നും അവര്‍ പറഞ്ഞു. വയോജനങ്ങള്‍ ഉള്‍പ്പെടെ കുടുംബത്തിലെ മറ്റ് അംഗങ്ങളിലേക്ക് രോഗം പകരാനും അവരുടെ ജീവന് ഭീഷണിയാകാനും ഇത് വഴിവയ്ക്കും. അതിനാല്‍ കുട്ടികളുടെ വാക്‌സിനേഷന്‍ കാര്യത്തില്‍ രക്ഷിതാക്കള്‍ പ്രത്യേക ശ്രദ്ധ പതിപ്പിക്കണമെന്നും ഡോ. സോഹ അല്‍ ബയാത്ത് പറഞ്ഞു.
അതോടൊപ്പം മുതിര്‍ന്നവരില്‍ വാക്‌സിന്‍ എടുക്കാന്‍ ബാക്കിയുള്ളവരും എത്രയും വേഗം അതിനായി മുന്നോട്ടുവരണം. മികച്ച പ്രതികരണമാണ് ഖത്തറിന്റെ ദേശീയ വാക്‌സിനേഷന്‍ കാംപയിന് ജനങ്ങളില്‍ നിന്ന് ഇതുവരെ ലഭിച്ചത്. 12 വയസ്സിന് മുകലളില്‍ പ്രായമുള്ളവരില്‍ 85 ശതമാനത്തിലേറെ പേര്‍ക്കും ഇതിനകം ആദ്യ ഡോസെങ്കിലും ലഭിച്ചു കഴിഞ്ഞു. വയോജനങ്ങളിലെ 10ല്‍ ഒന്‍പതു പേരും പൂര്‍ണമായി വാക്‌സിന്‍ എടുത്തവരാണ്. എന്നാല്‍ ഇതു പോരാ. സമൂഹത്തിലെ അര്‍ഹരായ മുഴുവന്‍ പേരും വാക്‌സിന്‍ എടുക്കണം. വയോജനങ്ങളിലെ അവസാനത്തെ ആളും വാക്‌സിന്‍ എടുക്കണമെന്നാണ് തങ്ങള്‍ ആഗ്രഹിക്കുന്നതെന്നും അവര്‍ പറഞ്ഞു.
ഇംഗ്ലണ്ടിനെതിരെ ഇന്ത്യക്ക് മികച്ച ലീഡ്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : qatar urges children to be vaccinated before schools reopen
Malayalam News from malayalam.samayam.com, TIL Network
