ഭീകരവാദ ഫണ്ടിംഗ്; ജമആത്ത് ഇസ്ലാമി നേതാക്കളുടെ വീടുകളില്‍ അടക്കം കശ്മീരിലെ വിവിധ കേന്ദ്രങ്ങളില്‍ എൻഐഎ റെയിഡ്

ഡൽഹിയിൽ നിന്നുള്ള മുതിര്‍ന്ന ഡിഐജി അടക്കമുള്ളവുരെ നേതൃത്വത്തിലാണ് റെയ്ഡ് നടത്തുന്നത്. ശ്രീനഗർ, ബുദ്ഗാം, ഗന്ദർബാൽ, ബാരാമുള്ള, കുപ്വാര, ബന്ദിപോർ, അനന്ത്നാഗ്, ഷോപിയാൻ, പുൽവാമ, കുൽഗാം, റംബാൻ, ദോഡ, കിഷ്ത്വാർ, രജൗരി ജില്ലകളിലാണ് റെയ്ഡ് നടത്തിയത്.

ജമാഅത്തെ ഇസ്ലാമി ജമ്മു കശ്മീരിലെ ലഷ്‌കർ-ഇ-തൊയ്ബ, ജെയ്ഷ്-ഇ-മുഹമ്മദ്, ഹിസ്ബുൾ മുജാഹിദ്ദീൻ തുടങ്ങിയ ഭീകര സംഘടനകൾക്ക് ധനസഹായം നൽകിയതായി ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് പരിശോധന.

ചില ജമാഅത്ത് അംഗങ്ങൾ പാകിസ്ഥാനിലെ രഹസ്യാന്വേഷണ വിഭാഗമായ ഐഎസ്ഐയുടെ സഹായത്തോടെ ഭീകര പ്രവർത്തനങ്ങൾക്ക് ധനസഹായം നൽകുന്നതിനായി ദുബായ്, തുർക്കി വഴി പണം വഴിതിരിച്ചുവിടുകയാണെന്ന് റിപ്പോര്‍ട്ട് വന്നിരുന്നു. ആതുരസേവനം, ആരോഗ്യ വിദ്യാഭ്യാസ രംഗത്തേക്കുള്ള പേരിലാണ് പണം കൈമാറുന്നതെന്ന് വൃത്തങ്ങള്‍ പറഞ്ഞു.

Also Read : രാജ്യത്ത് 24 മണിക്കൂറിനുള്ളിൽ 39,000 കേസുകള്‍; 24 മണിക്കൂറിൽ 55 ലക്ഷം വാക്സിനുകള്‍

കശ്മീരിന് പ്രത്യേക അധികാരം നൽകിയിരുന്ന ആർട്ടിക്കിൾ 370 റദ്ദാക്കിയതിന് ശേഷം താഴ്വരയിൽ തീവ്രവാദ പ്രവര്‍ത്തനങ്ങളും കല്ലേറ് നടത്താനും ജമാആത്തെ ഇസ്ലാമി ശ്രമിച്ചിരുന്നതായും റിപ്പോര്‍ട്ടിൽ പറയുന്നു.