ശീതളപാനീയത്തിൽ മയക്കുമരുന്ന് കലക്കി നൽകി ബലാത്സംഗം ചെയ്തു, നഗ്നചിത്രങ്ങള്‍ പകര്‍ത്തി ഭീഷണി; എസ്ഐക്കെതിരെ പരാതിയുമായി വനിതാ പോലീസ്

ന്യൂഡൽഹി: എസ്ഐ മയക്കുമരുന്ന് കലക്കി നൽകി ബലാത്സംഗം ചെയ്തു, നഗ്നചിത്രങ്ങള്‍ പകര്‍ത്തി ഭീഷണിപ്പെടുത്തിയതായി വനിതാ പോലീസിന്റെ പരാതി. രാജ്യ തലസ്ഥാനമായ ഡൽഹിയിലാണ് ഇങ്ങനെയൊരു സംഭവമുണ്ടായിരിക്കുന്നത്. രാജ്യതലസ്ഥാനത്തെ മുൻറിക പ്രദേശത്താണ് ഇത്തരത്തിൽ പരാതി ഉയര്‍ന്നിരിക്കുന്നത്.



Also Read : കേരളത്തിൽ ഇന്ന് സമ്പൂര്‍ണ ലോക്ഡൗൺ; ട്രിപ്പിൾ ലോക്ഡൗൺ വാര്‍ഡുകള്‍ ഏറ്റവുമധികം മലപ്പുറത്ത്

സ്പെഷ്യൽ സെല്ലിലേക്ക് നിയമക്കപ്പെട്ട ഒരു സബ് ഇൻസ്പെക്ടര്‍ക്കെതിരെയാണ് പരാതി ഉയര്‍ന്നിരിക്കുന്നത്. ഒന്‍പത്കാരിയായ ദളിത് പെൺകുട്ടിയെ ബലാത്സംഗം ചെയ്ത് കൊന്ന വാർത്ത പുറത്തുവന്നതോടെയാണ് ഈ സംഭവവും ഉയര്‍ന്നുവന്നത്.

എസ്ഐയും വനിതാ കോൺസ്റ്റബിളും ജോലി സ്ഥലത്ത് വച്ചാണ് കണ്ടുമുട്ടിയത് എന്ന് പരാതിയിൽ പറയുന്നു. ഒരു ദിവസം നഗരത്തിൽ തന്നെ ഉള്ള ഒരു മുറിയിലേക്ക് കൊണ്ടുപോയെന്നും അയാൾ അവിടെ അവൾക്ക് മയക്കമരുന്ന് കലർന്ന ശീതളപാനീയം നൽകി. ഇത് കുടിച്ചതോടെ ബോധം നഷ്ടപ്പെട്ട സ്ത്രീയെ ലൈംഗീകമായി ദുരുപയോഗം ചെയ്യുകയും ചിത്രങ്ങള്‍ പകര്‍ത്തുകയും ചെയ്തു.

അതിന് ശേഷം അവരുടെ നഗ്ന ഫോട്ടോകള്‍ പകര്‍ത്തുകയും ഇന്റര്‍നെറ്റിൽ പ്രസിദ്ധീകരിക്കുമെന്ന് പറഞ്ഞ് ഭീഷണിപ്പെടുത്തുകയും ചെയ്തു. ലൈംഗീകമായി പീഡിപ്പിക്കുന്നതിന് പുറമെ, തന്നെ മാനസികമായും പ്രതി പീഡിപ്പിച്ചുവെന്ന് പരാതിയിൽ പറയുന്നു.

യുവതിയുടെ പരാതിയിൽ അടിസ്ഥാനത്തിൽ, ഇന്ത്യൻ ശിക്ഷാനിയമത്തിലെ 376 (ബലാത്സംഗം), 506 (ക്രിമിനൽ ഭീഷണി) എന്നീ വകുപ്പുകൾ പ്രകാരം പോലീസ് കേസ് രജിസ്റ്റർ ചെയ്തു.

മജിസ്‌ട്രേറ്റിന്റെ സാന്നിധ്യത്തിൽ സിആർപിസി സെക്ഷൻ 164 പ്രകാരം പരാതിക്കാരന്റെ മൊഴി രേഖപ്പെടുത്തി. അതേസമയം പ്രതിയെ ഇതുവരെ അറസ്റ്റ് ചെയ്തിട്ടില്ല. കേസിൽ അന്വേഷണം പുരോഗമിക്കുകയാണെന്ന് ഡിസിപി (സൗത്ത്) അതുൽ താക്കൂർ പറഞ്ഞു.