ചെങ്കോട്ടയ്ക്ക് മുന്നിൽ വൻമതിലായി കൂറ്റൻ കണ്ടെയ്‌നറുകൾ; സ്വാതന്ത്ര്യദിനത്തിൽ ഡൽഹിയിൽ ശക്തമായ സുരക്ഷ

ന്യൂഡൽഹി: ഡ്രോൺ ആക്രമണ ഭീഷണി രൂക്ഷമായ സാഹചര്യത്തിൽ രാജ്യതലസ്ഥാനത്ത് സ്വാതന്ത്ര ദിനാഘോഷത്തിന് മുന്നോടിയായി ചെങ്കോട്ടയ്ക്ക് മുൻപിൽ കണ്ടെയ്‌നറുകൾ നിരത്തി. സുരക്ഷ മുൻ നിർത്തിയാണ് കപ്പലുകലുകളിൽ ചരക്ക് കൈമാറ്റം ചെയ്യാൻ ഉപയോഗിക്കുന്ന കൂറ്റൻ കണ്ടെയ്‌നറുകൾ ചെങ്കോട്ടയ്ക്കു മുന്നിൽ വിന്യസിച്ചത്.



36 സാക്ഷികകൾ, 150 പേരുടെ മൊഴി; വണ്ടിപ്പെരിയാർ കേസിൽ കുറ്റപത്രം ചൊവ്വാഴ്ച

മനോഹരമായി പെയിൻ്റടിച്ച കണ്ടെയ്‌നറുകൾ ഒന്നിന് മുകളിൽ മറ്റൊന്നായി അടുക്കി വലിയ മതിൽ പോലെ വിന്യസിച്ചു. പ്രധാനമന്ത്രി രാജ്യത്തെ അഭിസംബോധന ചെയ്യുന്ന ചെങ്കോട്ടയുടെ മുൻഭാഗത്താണ് കണ്ടെയ്‌നറുകൾ നിരത്തിയിരിക്കുന്നത്.

ചാന്ദ്നി ചൗക്കിൽ നിന്ന് നോക്കിയാൽ ചെങ്കോട്ട കാണാൻ കഴിയാത്ത വിധമാണ് കണ്ടെയ്‌നറുകൾ അടുക്കിയിരിക്കുന്നത്. സ്വാതന്ത്രദിനാഘോഷവുമായി ബന്ധപ്പെട്ട് ചെങ്കോട്ടയ്ക്ക് ചുറ്റും ഡൽഹിയിലും പോലീസ് നിരീക്ഷണവും പരിശോധനയും ശക്തമാക്കി. തന്ത്രപ്രധാന സ്ഥലങ്ങളിലടക്കം പട്രോളിങ് ശക്തമാക്കുകയും ചെയ്തു.

‘പാർട്ടിക്ക് ആരോടും പകയില്ല’: മുഈൻ അലിക്ക് കെഎം ഷാജിയുടെ പരോക്ഷ പിന്തുണ

കേന്ദ്ര സർക്കാരിൻ്റെ വിവാദ കർഷക നിയമത്തിനെതിരെ കർഷകർ കഴിഞ്ഞ റിപ്പബ്ലിക് ദിനത്തിൽ ട്രാക്ടർ റാലി നടത്തിയിരുന്നു. റാലിയിൽ നുഴഞ്ഞു കയറിയ ഒരു വിഭാഗമാളുകൾ ചെങ്കോട്ടയിൽ അതിക്രമിച്ച് കയറി അക്രമണം നടത്തിയിരുന്നു. കർഷകരുടെ പ്രതിഷേധം തുടരുന്ന സാഹചര്യവും കണക്കിലെടുത്താണ് ചെങ്കോട്ടയ്ക്ക് ചുറ്റും സുരക്ഷ ശക്തമാക്കുന്നത്.