‘കേരളാ കോൺഗ്രസ് (എം) വന്നത് നേട്ടമായി’: പാർട്ടി കോൺഗ്രസ് കണ്ണൂരിൽ, സിപിഎം കേരളാ ഘടകത്തിന് പ്രശംസ

ന്യൂഡൽഹി: സിപിഎം പാർട്ടി കോൺഗ്രസ് കണ്ണൂരിൽ നടത്താൻ തീരുമാനമായി. ഏറ്റവുമധികം അംഗങ്ങളുള്ള ജില്ല എന്ന പരിഗണനയിലാണ് കണ്ണൂർ തെരഞ്ഞെടുക്കാൻ കാരണമായത്. തീയതി സംബന്ധിച്ച കൂടുതൽ വിവരങ്ങൾ ഇന്ന് പ്രഖ്യാപിച്ചേക്കും. മൂന്നു ദിവസത്തെ സിപിഎം കേന്ദ്ര കമ്മിറ്റി യോഗം ഇന്ന് അവസാനിക്കും.



‘പാർട്ടിക്ക് ആരോടും പകയില്ല’: മുഈൻ അലിക്ക് കെഎം ഷാജിയുടെ പരോക്ഷ പിന്തുണ

നിയമസഭാ തെരഞ്ഞെടുപ്പിൽ കേരളത്തിലുണ്ടായ മികച്ച വിജയത്തിൽ കേരള ഘടകത്തെ കേന്ദ്ര കമ്മിറ്റി പ്രശംസിച്ചു. തെരഞ്ഞെടുപ്പുമായി ബന്ധപ്പെട്ട് സംസ്ഥാന ഘടകം സ്വീകരിച്ച പ്രവർത്തനങ്ങൾ മാതൃകാപരമാണ്. ഭരണനേട്ടങ്ങൾ തെരഞ്ഞെടുപ്പ് വിജയത്തിന് കാരണമായി. കേരളാ കോൺഗ്രസ് (എം) എൽഡിഎഫിലേക്ക് എത്തിയത് നേട്ടമായി. മുതിർന്ന നേതാക്കൾക്ക് സീറ്റ് നൽകാതിരുന്നത് വരുംകാല സാഹചര്യങ്ങൾ മുന്നിൽ കണ്ടാണെന്നും കേന്ദ്ര കമ്മിറ്റി വിലയിരുത്തി.

തെരഞ്ഞെടുപ്പിൽ കോൺഗ്രസും ബിജെപിയും ഒത്തുകളിക്കാൻ ശ്രമം നടത്തിയെങ്കിലും ആ നീക്കത്തെ അതിജീവിക്കാൻ സംസ്ഥാന നേതൃത്വത്തിന് കഴിഞ്ഞുവെന്നും സിപിഎം കേന്ദ്ര കമ്മിറ്റി യോഗം വ്യക്തമാക്കി. അതേസമയം, പശ്ചിമ ബംഗാളിലുണ്ടായ കനത്ത തിരിച്ചടിയിൽ വിമർശനമുണ്ടായി. സംഘടനാപരമായ തിരിച്ചടിയുണ്ടായെന്നും കേന്ദ്ര കമ്മിറ്റി പറഞ്ഞു.

പ്രോട്ടോക്കോൾ ലംഘനം; പോത്തീസ് ആയിരം കുടിയേറ്റ തൊഴിലാളികളുടെ വാക്സിൻ ചെലവ് വഹിക്കണം

സംസ്ഥാനത്ത് ഇടതു സർക്കാർ അധികാര തുടർച്ച നേടിയ സാഹചര്യത്തിൽ കൂടിയാണ് കേരളത്തിൽ സമ്മേളനം നടത്താനുള്ള തീരുമാനം ഉണ്ടായത്. പാർട്ടി കോൺഗ്രസിന് വേദിയാകാൻ കേരളത്തിന് പുറമെ തമിഴ്നാടും പരിഗണനയിലുണ്ടായിരുന്നു. 2012ലാണ് അവസാനമായി കേരളത്തിൽ സിപിഎം പാർട്ടി കോൺഗ്രസ് നടന്നത്. കോഴിക്കോട് വെച്ചായിരുന്നു അന്ന് പാര്‍ട്ടി കോണ്‍ഗ്രസ്‌.